Тошкентда депутатлар прокуратурага санитария-эпидемиология масъуллари фаолиятини ўрганиш таклифи билан чиқди. Халқ депутутлари Тошкент шаҳар кенгаши депутатлари пойтахт санитария-эпидемиология назорати бошқармаси бошлиғи Бехзод Адилов, Санитария осойишталик маркази раҳбари Малика Қудратхожаеваларнинг ҳисоботини эшитди.
Агентлик бўлими раҳбарлари пандемия ҳолатида Тошкентдаги аҳвол ҳақида берилган саволларга жавоб бера олишмади. Б. Адилов депутатлар томонидан берилган биргина саволга жавоб берди. Адилов пандемия даврида стикерсиз ҳаракатланган автомобилларнинг нечтасига баённома расмийлаштирилгани бўйича маълумот берди.
Учрашув якунига кўра депутатлар Б. Адилов ва М. Қудратхожаеваларни ўз лавозимларига нолойиқ деб топишди. Депутатлар прокуратурага ушбу мансабдорларнинг фаолиятини текшириш таклифини билдиришди.
