Ўзбекистон Сенати раҳбари карантин чоралари босқичма-босқич бекор қилинишии ҳақида айтди. Танзила Норбоева бу ҳақда Сенатнинг навбатдаги йиғилишида маълум қилди.
«Ҳозирги қийинчиликлар албатта ўтади. Пандемия ҳам барҳам топади. Бироқ келгусида бу каби қийинчиликлар бўлмайди деб ҳеч ким кафолат бера олмайди. Шундай экан, барча соҳалардаги тартиб-таомилларни мана шундай шароитларга мослаштиришимиз зарур деб ҳисоблаймиз.
Эндиликда карантин чоралари босқичма-босқич бекор қилинади. Аҳоли ўртасида соғлом турмуш тарзи тўғрисидаги кенг тарғибот ишларини кучайтиришимиз, касалликка чалинганларни ишлаб чиқилган протоколлар асосида даволаш билан бирга нормал ҳаётга қайтаришимиз, яъни иқтисодиётимизни ривожлантиришимиз зарур», – дейди Норбоева.
Эслатиб ўтамиз, Ўзбекистонда карантин чоралари 16 мартда ўрнатилган эди. Карантин мамлакатимизда камида 15 августга қадар давом этади.
Аввалроқ Норбоева санитария-эпидемиология масъулларининг талон-тарожликлари ҳақида гапирган эди.
