Абдулла Арипов раислигидаги йиғилишда Маҳалла ва оилани қўллаб-қувватлаш вазирлиги фаолияти танқидий муҳокама қилинмоқда. Бу ҳақда давлетов.уз канали хабар қилди.
Маълум бўлишича, айни вақтларда Вазирлар Маҳкамасида Бош вазир раислигида видеоселектор йиғилиши бўлиб ўтмоқда. Унда юқорида қайд этилган вазирлик фаолияти ҳамда муҳтожларга ажратилган моддий ёрдамни тарқатишда сусткашлик қилган айрим маҳалла раислари фаолияти танқид қилинмоқда.
Йиғилишда ушбу ҳаракатлар ҳеч қайси мезон билан оқлаб бўлмаслиги маълум қилинган.
