Самарқанд вилоятида карантин чоралари юмшатилди. Қоидалар 12 августдан юмшатилмоқда.
Энди вилоят аҳолиси автомашиналарида соат 06:00 дан 23:00 га қадар стикерсиз ҳаракатланишлари мумкин бўлади. Шунингдек, соат 08:00 дан 20:00 гача вилоятда ресторан ва кафелар фаолиятига рухсат берилди. Лекин биноларда карантин қоидаларига қатъий риоя қилиш кераклиги таъкидланди.
Шу билан бирга ноозиқ овқат дўконлари ва бозорлари ҳам қайта очилди. Бундан ташқари, гўзаллик салонлари, сартарошхоналар, меҳмонхоналар, спорт секциялари ва очиқ стадионлар ҳамда ўқув марказлари фаолиятига ҳам рухсат берилди (гуруҳларда ўқувчилар сони 10 кишидан ошмаслиги керак). Эпидемиологик қоидаларга риоя қилган ҳолда хусусий боғчалар фаолиятига ҳам рухсат берилди. Эслатиб ўтамиз, аввалроқ бир қатор вилоятларда ҳам крантин чоралари юмшатилган эди.
