“Автотранспорт қатнови, тўйлар, бозорлар фаолияти, спорт машғулотлари ва бошқалар” – 15 августдан Ўзбекистонда нималарга рухсат берилади?

“Автотранспорт қатнови, тўйлар, бозорлар фаолияти, спорт машғулотлари ва бошқалар” – 15 августдан Ўзбекистонда нималарга рухсат берилади?
Бугун Президент Шавкат Мирзиёев раисилигда йиғилиш ўтказилди. Унда 15 августдан мамлакат бўйлаб карантин талабларини босқичма-босқич юмшатиш чоралари белгиланди.

Хусусан, 15 августдан қуйидаги фаолият турларига рухсат берилади.

1. Автотранспорт воситаларининг кун давомида юриши, маҳаллий авиа ва темир йўл қатнови учун рухсат берилади.

2. Санаторийлар, меҳмонхоналар, музейлар, болалар оромгоҳлари, дала ҳовлилар ижараси, гўзаллик салонлари, сартарошхоналар, очиқ ҳавода хизмат кўрсатадиган умумий овқатланиш объектлари фаолияти ҳам тикланади.

3. Белгиланган талабларга амал қилган ҳолда уйда 30 кишилик оилавий маросимлар ўтказиш мумкин бўлади.

Шунингдек, мамлакатда 17 август санасидан бошлаб ҳудудлар ўртасида автотранспорт қатнови, жамоат транспорти (метрополитендан ташқари) ва шаҳар атрофидаги автобуслар қатнови тикланиши белгиланди. 20 августдан эса буюм ва қурилиш маҳсулотлари бозорлари, йирик савдо дўконлари, спорт заллари, фитнес клуб ва бассейнлар ишлай бошлайди.

Шу билан бирга, йиғилишда ижтимоий масофани сақлаган ҳолда театр, кино, концерт ва бошқа тадбирларни ташкил этиш масаласига ҳам эътибор қаратилди.

Президент матбуот хизматининг қўшимча қилишича, йиғилишда шунингдек, эпидемиологик вазият яхши бўлган давлатлардан келган шахсларни карантинига олиш ва ундан чиқариш тартибини енгиллаштириш, пневмониядан тузалган аҳолини реабилитация қилиш марказларини ташкил этиш бўйича топшириқ берилди.

Санитария-эпидемиология хизматига коллектив иммунитет шаклланиш жараёнини мониторинг қилиб бориш учун антитаначалар таҳлилини ўтказишни йўлга қўйиш кераклиги таъкидланди.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Конституциявий ислоҳотлардан пировард мақсад – инсон ҳуқуқлари ва манфаатларини сўзсиз таъминлашдир

“Шўртан газ кимё мажмуаси” масъулияти чекланган жамиятида ташкил этилган йиғилишда бугуннинг энг долзарб мавзуси бўлган янги конституцион...
Кеча, 13:57

Самарқанд давлат университети илмий обсерваториясида қандай илмий тадқиқотлар олиб борилмоқда?...

Коинот, юлдузлар ҳамиша инсонларни ўзига қизиқтириб келган. Биз осмонга қараймиз ва осмондаги юлдузлар коинот бўйлаб тарқалиб кетганини...
5-07-2022, 23:54

Бадминтончилар тайёрлашнинг дастлабки босқичида нималарга эътибор бериш керак?

Бадминтон ХIХ асрнинг 70 йилларида Англияда расм бўлиб, ўйин қоидалари ишлаб чиқилгач, Европанинг бошқа мамлакатларига ҳам ёйилган. 1934...
5-07-2022, 23:50

Балиқларни сунъий шароитда қандай кўпайтириш мумкин?

Жаҳонда аҳолини озиқ-овқат билан таъминлаш муаммосини ҳал қилишда уларда қўшимча балиқчилик функциясини яратиш ички сув ресурсларидан...
5-07-2022, 14:30

Пропан-бутандан қандай фойдали элементлар олиш мумкин?

Бугунги кунда нефть ва газ муҳим кимёвий хомашё бўлиб, ҳозирги замон саноати ва энергетикасининг барча тармоқларида нефть ва газ...
5-07-2022, 06:00
Ўзбекистон янгиликлари » Сиёсат » “Автотранспорт қатнови, тўйлар, бозорлар фаолияти, спорт машғулотлари ва бошқалар” – 15 августдан Ўзбекистонда нималарга рухсат берилади?