Сув билан ишончли таъминлашда илм-фан янгиликлари муҳим

Сув билан ишончли таъминлашда илм-фан янгиликлари муҳим
Куни кеча Президентимизнинг Жиззах ва Сирдарё вилоятларида суғориладиган ер майдонларини сув билан ишончли таъминлаш, сувни тежайдиган суғориш технологияларини кенг жорий қилиш, ерларнинг мелиоратив ҳолатини яхшилаш ҳамда илм-фан янгиликларини ишлаб чиқаришга кенг жорий этиш ва илғор ўқитиш услубларини қўллашга доир қарори эълон қилинди.

Унда 2020-2023 йилларда Жиззах ва Сирдарё вилоятларида маҳаллий бюджет маблағлари ҳисобидан ирригация ва мелиорация объектларини қуриш, реконструкция қилиш борасида бир қатор прогноз кўрсаткичлар батафсил келтириб ўтилган. Сув истеъмолчилари уюшмалари, кластерлар ҳамда фермер хўжаликларининг ўз маблағлари ҳисобидан суғориш тармоқларини таъмирлаш, тиклаш, сув тежовчи суғориш технологияларини жорий қилишнинг прогноз кўрсаткичлари шулар сирасидандир.

Қарорга мувофиқ қиймати базавий ҳисоблаш миқдорининг олти минг бараваридан ортиқ бўлган ҳар бир лойиҳанинг лойиҳа-смета ҳужжатлари ишлаб чиқилгандан сўнг Жиззах ва Сирдарё вилоятлари ва туманлар ҳокимликлари, Сув хўжалиги вазирлиги, Қишлоқ хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгаши, сув истеъмолчилари уюшмалари ва бошқа манфаатдор ташкилотлар ҳамда мустақил экспертлар билан муҳокама этилади.

Сўнгра тасдиқланган манзилли рўйхатлар доирасида объектларнинг лойиҳа-смета ҳужжатлари ўз вақтида ва сифатли ишлаб чиқилиши, бош пудрат ташкилотлари тендер савдолари асосида аниқланиб, қурилиш ишлари амалга оширилади. Албатта, тендер танловларини ўтказиш жараёнларида шаффофликни таъминлаш, энергия тежамкор технологияларни қўллаш, объектларни қуриш ва реконструкция қилиш ишларига маҳаллий пудрат ташкилотларини жалб қилишга алоҳида эътибор қаратилади.

2021 йилдан устувор лойиҳалар бўйича таклифлар сув хўжалиги, қишлоқ хўжалиги, геология, ер тузиш ва лойиҳа ташкилотлари мутахассислари, мустақил экспертлар, манфаатдор фермер ва кластерлар иштирокида ҳар бир ҳудуднинг ўзига хос хусусиятларини инобатга олган ҳолда  маъқуллангандан сўнг белгиланган тартибда амалга оширилади.

Ирригация ва мелиорация объектларини қуриш ва реконструкция қилиш лойиҳаларига Давлат бюджетидан ажратиладиган маблағларнинг 3 фоизигача бўлган қисми тузиладиган шартномалар асосида ушбу лойиҳаларни илмий-техник жиҳатдан таъминлаш учун йўналтирилади. Бунда олий таълим муассасаларининг докторант, магистрант ҳамда иқтидорли талабалари жалб қилинади ва улар қурилиши якунланган объектларни белгиланган тартибда фойдаланишга топширишда иштирок этиб, ўзининг хулосасини беради.

Келгусида Жиззах ва Сирдарё вилоятлари тажрибасини бошқа турдош олий таълим муассасаларига жалб этган ҳолда республиканинг бошқа ҳудудларида ҳам жорий қилиш бўйича таклифлар ишлаб чиқилади.

2020-2021 ўқув йилида Тошкент ирригация ва қишлоқ хўжалигини механизациялаш муҳандислари институтида таҳсил олаётган талабалар ёзги малакавий-ишлаб чиқариш амалиётини эксперимент тариқасида Жиззах ва Сирдарё вилоятларида ўтказади.

 Қайд этиш керакки, Жиззах ва Сирдарё вилоятлари ҳокимликлари Пахтакор ҳамда Ховос туманларида илғор агрокластерларни жалб қилган ҳолда замонавий рақамли технологиялар асосида намунали автоматлаштирилган суғориш участкаларини ташкил этади. Бунда  эса Сув хўжалиги вазирлиги, Қишлоқ хўжалиги вазирлиги, Фанлар академияси ҳар томонлама услубий ва амалий ёрдам кўрсатади ҳамда  3 кун муддатда мазкур қарорни самарали ижро этишга доир масалаларни халқ депутатлари вилоятлар ҳамда туман (шаҳар)лар кенгашларида муҳокама қилиб,  тегишли қарорлар қабул қилади. Бу эса жойлардаги маҳаллий кенгашлардаги депутатлик гуруҳларимиз зиммасига ҳам улкан масъулият юклайди.

 “Сардоба” сув омбори тўғонидан сув тошиши оқибатида  талофат кўрган  Сардоба, Оқолтин ва Мирзаобод туманларидаги аксарият сув хўжалиги объектлари, шунингдек, “Марказий Мирзачўл” коллектори ва унга қуюлувчи коллекторларнинг таъмирлаш  ва тиклаш ишлари ташкил этилади,  Жиззах ва Сирдарё вилоятларида 93,4 минг гектар сув таъминоти паст бўлган  суғориладиган ерларнинг сув таъминоти яхшиланади, ўртача ва кучли шўрланган 109 минг гектар суғориладиган майдонлар мелиоратив ҳолати яхшиланади.

Актам ХАИТОВ,

Олий Мажлис Қонунчилик палатаси

Спикери ўринбосари,

O'zLiDeP фракцияси раҳбари

Ўхшаш янгиликлар

  1. Узбек 14 август 2020 14:59
    Сардоба туманида сув муаммо булиб ётибдию. Каналда сув почти йук. 3 4 таси шоли эккан бир тийинга киммат ребхоз очганда сувни бекитиб утирибди. Хамма томон чул буп кетдию бу йил. Томоркадаги экинлар сувсизликдан куриб кетди. Томоркадан фойдалан фойдалан дейди сув бумаса нимасидан фойдаланади?
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Ўзбекистон – ИҲТ: кўп қиррали ҳамкорликни кенгайтиришга доир янги ташаббуслар илгари сурилди

2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида ўз аксини топган...
Кеча, 21:33

Видео: “Айни вақтда энг кучли сиёсатчи ўзимман” – Отажонов

Собиқ хонанда Жаҳонгир Отажонов ўзини энг кучли сиёсатчи эканини айтди. Отажонов бу ҳақда инстаграмдаги жонли эфир вақтида айтиб ўтди. Ҳа,...
Кеча, 19:16

Болалар билан гаров ўйнаб сувга тушгани айтилаётган фарғоналик йигитнинг жасади 2,5 ойдан сўнг топилди

Фарғона вилоятида 16 ёшли бола сувга чўкиб кетгани ҳақида хабар қилинган эди. Ҳодиса ўтган йили 22 декабрь куни содир бўлган. Кун нашрининг...
Кеча, 18:18

“ГАИга жавоб” деб вайн олган блогернинг ЙПХ ходими билан жанжаллашган видеоси тарқалди

Ижтимоий тармоқларда блогер Дониёр Қаюмов ЙПХ ходими билан жанжаллашгани акс этган видео тарқалди. Видео телеграм каналларда эълон қилинди....
Кеча, 17:28
1

Наманганда ҳар куни поездда 75 км масофа босиб, дарс бераётган ўқитувчига манзилга бепул бориши учун сертификат берилди

Наманган вилоятида ўқитувчи Муниса Мелибоева мактабда дарс бериш учун 75 км масофа йўл босиб, Попдан Наманганга қатнаётгани ҳақида ОАВда...
Кеча, 17:11
Ўзбекистон янгиликлари » Сиёсат » Сув билан ишончли таъминлашда илм-фан янгиликлари муҳим