Республика махсус комиссияси аҳолига мурожаат қилиб, қайси ҳолларда карантин чоралари яна қайта кучайиши мумкинлигини маълум қилди. Комиссия ниқоб тақиш ва ижтимоий масофага риоя қилиш ҳамда қўлларни мунтазам ювиш ва антисептик гигиена воситаларидан доимий фойдаланиш шарт эканлигини таъкидлади.
“Ниқобсиз юриш тақиқланади. Ниқоб тақиш қоидасини бузиш ҳолати жарима тариқасида қаттиқ жазоланади. Хорижий мамлакатлардаги тажриба шуни кўрсатмоқдаки, фақатгина ижтимоий масофани сақлаш ва ниқоб тақиш пандемия тарқалишининг олдини олади. Ушбу қоидаларга амал қилмаслик касалликнинг қайта авж олишига ва натижада қаттиқ карантин чоралари такроран кучга киритилишига олиб келиши мумкин”, – дейилади мурожаатда.
Эслатиб ўтамиз, Ўзбекистонда карантин чоралари яна юмшатилмоқда. 15 августдан жамоат транспортлари фаолияти қайта тикланмоқда ҳамда аввал ёпилган муассасалар ҳам ўз ишини қайта бошламоқда.
