Сирдарёда янги шакллантирилган "Темир дафтар"га киритилган фуқароларга моддий ёрдам пуллари етказиб берилди. Бу ҳақда Президент Халқ қабулхоналари хабар қилди.
Маълум бўлишича, вилоятда 7721 та оиладан 30507 нафар киши янги рўйхатга киритлган. Пулларнинг манзилли етиб бориши эса Сирдарё вилоятдаги Халқ қабулхоналари томонидан кунлик ўрганилмоқда. Хусусан, Халқ қабулхоналари томонидан Гулистон туманида 731 та оиланинг 2731 нафар аъзоларига 600 млн 820 минг сўмлик бир марталик моддий ёрдам пулларининг тарқатилиши бевосита жойларга чиқиб мониторинг қилинди.
Шунингдек, тумандаги “Юлдуз” ва “Сойибобод” маҳаллаларида моддий ёрдам пулларини ўз эгаларига тўлиқ ва ўз вақтида тарқатилиши ўрганиб чиқилди.
Бундай тадбирлар вилоятнинг барча ҳудудларида олиб борилмоқда.
