Олий Мажлис Қонунчилик палатаси депутатлари Расул Кушербаев, Дониёр Ғаниев, Нодир Жумаев, Бекмирза Эшмурзаев, Зафар Жалолов, Анвархон Темировлар томонидан имзоланган депутатлик сўрови Бош прокуратура ва Коррупцияга қарши курашиш агентлигига юборилди.
Депутат Кушербаевнинг маълум қилишича, депутатлик сўровида компанияда ўтказилган текширув якунлари бўйича олинган маълумот ва ҳужжатларда қонунчилик ҳужжатларининг бузилиши, коррупцион ҳолатлар ва истеъмолчиларнинг ҳуқуқларига путур етказиш каби аломатлар кўринаётганлиги сабабли мазкур масалани алоҳида ўрганиб, жиноят аломатлари бор ёки йўқлиги юзасидан ҳуқуқий бахо бериш ва ваколат доирасида чоралар кўриш масалалари илгари сурилган.
Эслатиб ўтамиз, аввалроқ компания автомобил нархларини асоссиз оширгани ва нахрлар туширилиши маълум қилинган эди. Кейинчалик “UzAuto Motors” ушбу ҳолатни рад этиб, ҳолат юзасидан судга мурожаат этилишини, нархларни туширишнинг имконияти мавжуд эмаслигини таъкидлаган эди.
