Хотин-қизлар қўмитаси конференциясида келинларнинг пропискага қўйилиши, ёш оилалар ҳаётига аралашувлар ва ажрашувдан кейинги мулк ҳуқуқи муаммолари муҳокама қилинди.
Конференцияда Бош вазир Абдулла Арипов Адлия вазирлигини ёш оилаларни пропискадан ўтказиш механизмлари ишламаётгани учун танқид қилди.
«Нодиржон Савриддинович (Жўраев, адлия вазирининг биринчи ўринбосари — таҳр.), бу механизм ишламаяпти, бу талаб ишламаяпти. Сизга топшириқ: икки ҳафта ичида Вазирлар Маҳкамасига прописка масаласини ҳал этиш тўғрисида, маъмурий жавобгарликка тортиш бўйича таклифлар киритинг», — деди ҳукумат раҳбари. «Инсон оилавий муносабатларга киришар экан, у ўзига жуда катта жавобгарликни олади», — дея қўшимча қилди у.
