Чироқчи тумани Кенгаши сессиясида эҳтиёжманд оилаларни қўллаб-қувватлаш механизмини янада такомиллаштириш масалалари муҳокама қилинди

Чироқчи тумани Кенгаши сессиясида эҳтиёжманд оилаларни қўллаб-қувватлаш механизмини янада такомиллаштириш масалалари муҳокама қилинди
Бугун Халқ депутатлари Чироқчи туман Кенгашининг ўн биринчи сессияси бўлиб ўтди. Унда Олий Мажлис Қонунчилик палатаси Спикери ўринбосари Актам Хайитов, қонунчилик палатаси депутатлари, маҳаллий кенгаш депутатлари ва мутасадди раҳбарлар иштирок этди.

Сессия аввалида туманда коронавирус пандемияси билан боғлиқ умумий вазият, пандемия даврида аҳолига тиббий хизмат кўрсатиш аҳволи, эпидемиологик вазиятни барқарор сақлаш борасида ишларни кучайтириш билан боғлиқ вазифалар ҳақида сўз юритилди.
Сессияда туманда аҳолининг эҳтиёжманд қатламини қўллаб-қувватлаш (“темир дафтар”), тадбиркорликни ривожлантириш, бюджет даромадларини ошириш ва хорижда меҳнат қилган ишсиз фуқаролар бандлигини таъминлаш борасида амалга оширилаётган ишлар ҳам муҳокама қилинди.
Чироқчи тумани Кенгаши сессиясида эҳтиёжманд оилаларни қўллаб-қувватлаш механизмини янада такомиллаштириш масалалари муҳокама қилинди

Сессияда иштирок этган Олий Мажлис Қонунчилик палатаси Спикери ўринбосари Актам Хаитов мамлакатимизда эҳтиёжмандларга ижтимоий ёрдам кўрсатишнинг кенг қамровли механизми изчиллик билан йўлга қўйилаётганлиги, лекин хоҳлаймизми йўқми ҳозирча ушбу механизм етарлича мослашувчан ва максимал даражада шаффоф бўла олмаётганини таъкидлаб ўтди. Хусусан, айрим объектив ва субъектив омиллар бутун тизим самарадорлигига салбий таъсир кўрсатмоқда. Қолаверса, «Темир дафтар»га киритиш учун оилаларни адолатли танлаш масаласи ҳам очиқ қолмоқда. Демак, ижтимоий ёрдамнинг бутун тақсимотида ошкоралик ва шаффофликни таъминлаш ўз-ўзидан кун тартибига чиқмоқда.
Шу боис яқин истиқболда «Ягона ижтимоий реестр» дастурининг тўлиқ ишга туширилиши бу борада вужудга келаётган турли тушунмовчиликларни бартараф этади. Чунки ушбу тизим инсон омилини сезиларли даражада камайтиради. Ижтимоий ёрдамни тақсимлашдаги коррупция ҳолатларини имкон қадар бартараф этади, - деди Спикер ўринбосари.

Сессия давомида умумтаълим мактабларининг янги ўқув йили ва куз-қиш мавсумига тайёргарлиги, пандемия шароитида таълим-тарбия самарадорлигини ошириш, ҳудудларда ичимлик сувини яхшилаш, ҳуқуқбузарликлар профилактикаси ва жиноятларнинг олдини олиш, тадбиркорлар ҳуқуқлари ва қонуний манфаатларини таъминлаш бўйича олиб борилаётган ишлар тўғрисида мутасадди раҳбарларнинг ахборотлари тингланди.

Сессияда Олий Мажлис Қонунчилик палатаси ҳамда маҳаллий Кенгаш депутатлари, маҳалла раислари, тадбиркорлар ҳам кун тартибидаги масалалар юзасидан ўзларининг фикр ва таклифларини билдиришди.

Кўриб чиқилган барча масалалар юзасидан тегишли қарорлар қабул қилинди.

ЎзЛиДеП Қашқадарё вилоят Кенгаши
матбуот хизмати

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университети Эроннинг Шараф технология университети билан ҳамкорлик меморандумини имзолади…

Самарқанд давлат университетига Эроннинг Халқаро илмий-техникавий ҳамкорлик маркази раиси, фан, технологиялар ва билимларга асосланган...
28-06-2024, 15:25

Самарқанд давлат университети академик лицейи битирувчиларига диплом топширилди…

Самарқанд давлат университети академик лицейи битирувчилари учун “Янги Ўзбекистон ёшлари, билиб қўйки, сени Ватан кутади” номли битирув...
21-06-2024, 23:17

Ўзбекистоннинг Очиқ илм-фан концепцияси

Президентимиз Шавкат Мирзиёев томонидан асос солинган Очиқлик сиёсатининг мамлакат тараққиётида, миллат юксалишида тутган муҳим ўрни ва...
21-06-2024, 16:49

Самарқанд давлат университетида Япониянинг Тоттори университети ваколатхонаси очилди…

2023 йил 15-16 февраль кунлари Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам...
14-06-2024, 23:29

Самарқанд давлат университети Тожикистон педагогика институти билан ҳамкорлик қилади…

Самарқанд давлат университетига Тожикистон педагогика институти ректори, профессор Ансорий Муаззамхон Қудратзода бошчилигидаги делегация...
12-06-2024, 09:19
Ўзбекистон янгиликлари » Сиёсат » Чироқчи тумани Кенгаши сессиясида эҳтиёжманд оилаларни қўллаб-қувватлаш механизмини янада такомиллаштириш масалалари муҳокама қилинди