Давлат раҳбари маҳкумларни афв этиш бўйича ҳужжатни имзолади. Ҳужжат Ўзбекистон Мустақиллигининг 29 йиллиги байрами арафасида имзоланди.
Умумий ҳисобда 113 нафар фуқаро авф этилди. Ушбу фуқаролар қилган жинояти учун жазо муддатини ўташ жараёнида чин кўнгилдан қилган ишларидан пушаймон бўлишган. 5 нафар фуқаро асосий жазодан озод этилди, 53 нафари жазони ўташдан муддатидан илгари шартли озод қилинди, 15 нафарининг озодликдан маҳрум этиш жазоси енгилроқ жазо билан алмаштирилди. Шу билан бирга, 40 нафар шахсларга тайинланган озодликдан маҳрум этиш жазосининг муддатлари қисқартирилди.
Масъулларга авф этилганларни нормал ҳаётга қайтаришга ёрдам бериш топшириғи берилди. Таъкидлаш жоиз, Ўзбекистонда сўнгги вақтларда байрамлар арафасида маҳкумларни авф этиш анъанага айланиб бормоқда.
