Бугун давлатимиз раҳбари Шавкат Мирзиёев раислигида йиғилиш бўлиб ўтди. Унда мактабларда янги ўқув йилига тайёргарлик масаласи, мактаблар очилиши қандай йўлга қўйилиши ва ишлаши муҳокама қилинди.
Йиғилишда қуйидагилар маълум қилинди.
1. Шу йил 5 сентябрга қадар санитар хизмати марказлари ходимлари мактабларнинг аҳволини ўрганади ва мактаб жамоаларини ўқитади.
2. Мактаблар фаолиятини қайта йўлга қўйиш бўйича қарорни маҳаллий депутатлар кенгаши ҳал қилади.
3. Кенгаш рухсат бергач мактаблар 14 сентябрдан ўз фаолиятини бошлайди.
4. Мактабларда ўқув жараёни бирданига иккита усулда – анъанавий ва масофавий шаклда бошланади.
5. Ҳокимлар мактабларни керакли ҳимоя воситалари билан тўлиқ таъминлайди.
6. Мактабларда ўқувчиларнинг ҳар бир қадами аниқ белгилаб берилади. Уларни ким кутиб олиши, синфхонага олиб бориш ва хонани қайси вақтда шамоллатиш каби барча чоралар кўрилади.
7. Ҳар бир мактабга карантин қоидаларига амал қилишни назорат қилиш учун ички ишлар ва Миллий гвардия ходимлари бириктирилади.
8. Поликникалардан мактабларга камида бир нафар тиббиёт ходими бириктирлади. Улар ўқувчиларнинг соғлиғини назорат қилиб туради.
9. Масофавий тарзда ўқиётганларнинг ўзлаштириши доимий назорат қилиб борилади.
10. Дарслар 3 та каналда доимий эфирга узатиб турилади.
11. Ўқувчилар учун имтиёзли “Мактаб” интернет тарифи жорий этилади.
12. Ҳукумат жойларда рақамли телевидение сигнали ва интернет тезлигини таъминлаш, чекка ҳудудлардаги коммуникация тизимларини тўлиқ тестдан ўтказишни амалга оширади.
