Аввал хабар қилганимиздек Ўзбекистон президенти давлат мустақиллигининг 29 йиллигига бағишланган тадбирда нутқ сўзлаб, камбағалликни қисқартириш йўлида қилинган ишлар хусусида гапирди.
Президент шу йил 24 январь кунидаги мурожаатида бу мавзуда гапирганида унинг атрофидагилар мазкур масала юзасидан гапириш керак эмаслигини айтганини маълум қилди.
“Тасаввур қилинглар, мана шундай “камбағалликни қисқаритириш” деган гаплар, ибора бизнинг лексиконимизда бормиди? Шу йил 24 январь куни бу ҳақида гапирганимда менинг атрофимдагилар ҳам қарши эди “уни айтиш мумкин эмас, нима кераги бор бу камбағалчиликни эълон қилиш” деб. Йўқ, унда биз ниятимизга ета олмас эдик. Агар вақтида камбағалчиликни эълон қилиб, “темир дафтар”ларни ташкил қилмаганимизда пандемия пайтида қандай чоралар кўра олар эдик? Кимга берардик маблағларни?”, – дейди давлат раҳбари.
