Аввалроқ давлат раҳбари пойтахт метрополитенининг Юнусобод линиясида олиб борилган ишларни ўрганиш мақсадида ўша ерга боргани ҳақида ёзган эдик.
Метро линиясини кўздан кечириш давомида президент фаоллар билан суҳбатлашди.
“Метро лойиҳасини 2 йилдан кўп вақт давомида қилдик. Бунга хориждан жуда кўп мутахассислар жалб этилди ва энг тўғри йўлни танладик. Энди айланма метрони қилиб олсак бўлди. Ҳамма буни тушунмайди. Нафас олишни эса энди тушиняпмиз. Коронавирус касаллиги экологияга эътиборни кучайтириш шартлигини кўрсатиб берди”, – дея таъкидлади президент.
Шавкат Мирзиёев фаоллар билан учрашув давомида пойтахтда қурилаётган уйлар ҳақида ҳам гапириб ўтди.
“Уйлар кўпайяпти. Прописка деган балони йўқ қилдик. Қорақалпоғистонда яшайдими, Сурхондарёда яшайдими пойтахтда яшашга ҳамманинг ҳаққи бор. Тошкентда уй қурилиши бўйича ҳали кўп иш қилишимиз керак”, – дейди давлат раҳбари.
Шунингдек, президент пойтахтда аҳоли зичлашиб боргани сари унинг ҳудудини кенгайтириш ишлари ҳам олиб борилаётганини алоҳида таъкидлади.
