Ўзбекистонда пахтани кимлар териши маълум бўлди. Бу бўйича маълумот бандлик ва меҳнат муносабатлари вазири ўринбосари Баҳодир Умурзоқов томонидан тақдим этилди.
Бугун АОКА биносида вазир ўринбосари брифинг ташкил этди. У брифингда пахта теримига биринчи навбатда кимлар жалб этилиши ҳақида гапирди.
Умурзоқовнинг сўзларига кўра, пахта теримига биринчи навбатда ишсизлар, ёшлар, аёллар ва ўз хоҳишига кўра ёши катталар ҳам жалб этилади. Вазир ўринбосари тажрибали теримчи кунига 100-120 минг сўм ишлаб топиши мумкинлигини айтмоқда. Таъкидлаш жоиз, биринчи теримда теримчилар пахтанинг килосига 1000 сўм, иккинчи теримда 1400 сўм олади.
