O‘zLiDeP сайёр қабулида қувалик эҳтиёжманд оиланинг муаммоси ҳал этилди

O‘zLiDeP сайёр қабулида қувалик эҳтиёжманд оиланинг муаммоси ҳал этилди
O‘zLiDeP Қува туман Кенгаши томонидан туманнинг “Қува” маҳалла фуқаролар йиғини қошида ташкил этилган бошланғич партия ташкилотида депутатлар иштирокида фуқаролар билан сайёр қабул ташкил этилди.

Туман ҳокимлиги ва қатор мутасадди ташкилотлар билан ҳамкорликда ўтказилган сайёр қабулда фуқаролардан кўплаб таклиф ва мурожаатлар тушди. Унда асосан ички йўлларни таъмирлаш, тадбиркорлик учун кредит олиш, ёшлар масаласи ва коммунал соҳа билан боғлиқ мурожаатлар бўлиб, аксарияти жойида ижобий ҳал этилди, қолганлари бўйича аниқ чора-тадбирлар белгилаб олинди.

Маҳалла ҳудудида истиқомат қилувчи М.Қодирова икки йил аввал турмуш ўртоғи вафот этганлиги, икки нафар вояга етмаган фарзандини ёлғиз тарбиялаётганлиги, битта тикув машинаси бўлса, тикувчилик билан шуғулланиб, рўзғор камини бутлашга имкон яратилиши ҳақида депутатларга юзланди.

Оиланинг турмуш шароити маҳалла фуқаролар йиғини билан ўрганилиб, партиянинг депутатлик гуруҳи томонидан, албатта, ёрдам берилиши ваъда қилинди. Шу куниёқ барча зарурий ҳужжатлар тайёрланиб, туман аҳоли бандлигига кўмаклашиш марказига тақдим этилди. Орадан қисқа вақт ўтиб, янги, замонавий тикув машинаси фуқаронинг хонадонига депутатлар иштирокида элтиб берилди. Мурожаати тез фурсатда ижобий ечим топганидан беҳад қувонган аёл барча ташкилотчиларга ўз миннатдорлигини билдирди.

Жойларда давом этаётган бу каби сайёр қабулларда кўплаб муаммолар ижобий ҳал этилмоқда. Депутатларнинг аҳоли билан юзма-юз учрашиб, мулоқот қилиши уларнинг ҳуқуқий маданиятини юксалтириш, ҳаётдан рози бўлиб яшашида муҳим омил бўлмоқда.

Оминахон БЕКМИРЗАЕВА,
Халқ депутатлари Қува туман Кенгашидаги
O‘zLiDeP депутатлик гуруҳи ижрочи котиби.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Депутатлар талаба ёшлар билан очиқ мулоқотда бўлди

O`zLiDeP Самарқанд вилоят Кенгаши ҳамда Олий Мажлис Қонунчилик палатаси депутатлари билан ҳамкорликда Муҳаммад Ал-Хоразмий номидаги...
Бугун, 14:04

Коронавирус: кеча 19 нафар фуқарода касалланиш қайд этилди

2022 йил 29 сентябрь куни рўйхатга олинган беморларнинг: 19 нафари Тошкент шаҳрида коронавирусга чалинган беморлар билан мулоқотда...
Бугун, 14:02

Юнусободдаги автоҳалокатда жароҳат олган икки бемор жонлантириш бўлимида

Кеча ижтимоий тармоқларда пойтахтимизнинг Юнусобод туманида жойлашган “Mega Planet” савдо маркази яқинида соат тахминан 23:00 атрофида...
Бугун, 14:00

Тўқимачилик кластери пахтачиликнинг истиқболли соҳаларидан бири

Қашқадарёда Олий Мажлис Қонунчилик палатаси спикери ўринбосари, O’zLiDeP Сиёсий Кенгаши Ижроия қўмитаси раиси Актам Хаитов билан бўлиб...
Бугун, 13:58

Таъзия

Термиз давлат университети ректори, профессор Авазжон Мараҳимовга! Ассалому алайкум ҳурматли Авазжон Раҳимович! Укангиз Асроржон...
Кеча, 19:20
Ўзбекистон янгиликлари » Сиёсат » O‘zLiDeP сайёр қабулида қувалик эҳтиёжманд оиланинг муаммоси ҳал этилди