Тошкент вилоятида бош инфекционист нима сабабдан ушлангани маълум қилинди

Тошкент вилоятида бош инфекционист нима сабабдан ушлангани маълум қилинди
Аввалроқ сайтимизда Тошкент вилоятининг бош инфекционисти ушлангани ҳақида ёзган эдик. Бош прокуратура ҳолат юзасидан расмий баёнот берди.

Маълум бўлишича, чирчиқлик фуқаро қариндоши 1 августда Тошкент вилояти Юқумли касалликлар шифохонасидан Руҳий асаб касалликлари диспансерига ўтказилгани ва ўша ерда 2 августда вафот этгани ҳақида айтиб, прокуратурага мурожаат қилган. Фуқаро ушбу ҳолат бўйича айбдорлар жазоланишини сўраган. Кейинчалик ўрганишлардан сўнг ҳолат юзасидан Чирчиқ шаҳар прокуратураси томонидан ЖКнинг 116-моддаси 3-қисми билан жиноят иши қўзғатилган.

Бош прокуратуранинг хабар қилишича, вафот этган фуқарода турли хил касалликлар бор бўлган ва у шунга қарамай Руҳий асаб касалликлари диспансерига ўтказилган. Уни диспансерга ўтказиш бўйича эса Юқумли касалликлар шифохонаси бош шифокори Г.Ю. кўрсатма берган бўлган. Шунингдек, вафот этган фуқаро коронавирусдан тўлиқ соғайди деган соҳта маълумотнома ҳам тайёрлангани аниқ бўлган. Шу билан бирга, бош инфекционист раҳбарлик қилган шифохонада 250,8 млн. сўм бюджет маблағлари растрата йўли билан талон-тарож қилинганлиги ҳам маълум бўлган.

Қўшимча қилинишича, бош инфекционист терговга чақирилган бўлсада ҳеч бир сабабларсиз келмаган. Шундан сўнг 08 сентябрь куни шифохона бош шифокори Г.Ю. мажбурий тартибда терговга олиб келиниб, ЖКнинг 167-моддаси 3-қисми “а” банди ҳамда 207-моддаси 3-қисми “а” банди билан айбланувчи тариқасида ишда иштирок этишга жалб этилган. Бош шифокор тергов ишларига ҳалақит қилаётгани, вақтида айтилган жойга келмаётгани, қилган ишлари оғир жиноят экани ва далилларни йўқ қилиб юбормаслик ҳамда қочиб кетмаслиги учун суд ажримига кўра 9 сентябрда қамоққа олинган. Ҳозирда тергов ҳаракатлари олиб борилмоқда.

Эслатиб ўтамиз, бугун тарқалган хабарларда бош инфекционист нима сабабдан ушлангани очиқланмай тургани айтилган эди. Шунингдек, у аввалроқ ОАВга интервью бергани ва унда шифохоналарда тиббий жиҳозлар етишмаслигини ва шифокорлар ваъда қилинган пулларни ололмаётганини айтгани маълум қилинган эди.

Ўхшаш янгиликлар

  1. Сухроб 21 сентябр 2020 12:54
    Менимча, хакикатни гапирганига жазо... .
  2. кимсан 12 сентябр 2020 12:47
    пули купайиб хаволаниб кетган. бошка бир докторни улимига сабаб булган
    агар айблари исботланса мол мулки мусодора килиниб диплрмини бекор килиь камаш керак.ссв бунакалар жуда купайиб кетган колганларга урнак булиши учун очик суд килиш керак.
  3. Феруз 12 сентябр 2020 11:18
    Сохта малумотнома согайди деб,духтрга шу керакми,узи ишонадими шу гапларга булани.
  4. темир одам 11 сентябр 2020 16:03
    шантаж
  5. O`ZBEK 11 сентябр 2020 14:28
    Сурхандарё вилояти Сариосиё туманидаги юкумли Касалликлар Шифохонасида бундан баттари булиб ётибди.
  6. Одил 11 сентябр 2020 10:44
    Опа инфекционист экан, ишлатиш керак уни,огир кунларда
  7. Хамид 11 сентябр 2020 06:32
    Шундай вазиятда халкни талаганларга минг ланат.
  8. Нилуфар 10 сентябр 2020 23:08
    Инсоф берсин одамларга худодан шуни сураб коламан
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Сиёсат » Тошкент вилоятида бош инфекционист нима сабабдан ушлангани маълум қилинди