Видео: ДХХ коррупция ва фирибгарлик билан боғлиқ ҳолатларга чек қўйди

Видео: ДХХ коррупция ва фирибгарлик билан боғлиқ ҳолатларга чек қўйди
Айни кунларда мамлакатимизда олий таълим муассасаларига кириш имтиҳонлари бўлиб ўтаётган бир вақтда, абитуриентларни ўқишга киритиб қўйишни ваъда қилиб, улардан пул талаб қилаётган “уддабуронлар” ҳам учраб турибди.

Хусусан, Самарқанд вилояти Пастдарғом туманидаги умумтаълим мактабларидан бирининг математика фани ўқитувчиси юқори лавозимда ишловчи танишлари орқали 4 нафар абитуриентни Самарқанд тиббиёт институтига ўқишга киритиб қўйишни ваъда қилади ва уларнинг ҳар бири учун 12 минг АҚШ долларидан, жами 48 минг АҚШ доллари талаб қилади.
ДХХ Самарқанд вилояти бошқармаси ва Бош прокуратура ҳузуридаги Департаментнинг ҳудудий бошқармаси ходимлари томонидан ўтказилган тезкор тадбир давомида мазкур шахс келишилган пулдан 40 минг АҚШ долларини олган вақтида ашёвий далиллар билан ушланди.

Самарқанд педагогика коллежида ўқитувчи бўлиб ишловчи, 1975 йил Иштихон туманида туғилган шахс эса алдов йўли билан маҳаллий фуқаронинг ишончига кириб, уни Қозоғистон Республикасининг Чимкент шаҳрида жойлашган “Мирас” университетига ўқишга киритиб қўйиш учун ундан 5500 АҚШ доллари олган вақтида ушланди.

Жиззах шаҳридаги оилавий поликлиникалардан бирида болалар шифокори бўлиб ишловчи, 1993 й.т. шахс маҳаллий фуқарони Жиззах давлат педагогика институти “Мактабгача таълим” йўналишининг сиртқи бўлимига ўқишга киришига ёрдам беришини айтиб, эвазига 8 минг АҚШ доллари олаётган вақтида ДХХ Жиззах вилояти бошқармаси ва Департаментнинг ҳудудий бошқармаси ходимлари томонидан ушланди.
Дастлабки суриштирув давомида, у ушбу пул маблағини Тошкент педиатрия тиббиёт институти клиникасида шифокор бўлиб ишловчи, 1988 йил Бухоро вилояти Ромитан туманида туғилган ҳамтавоғига бериши лозимлигини маълум қилди.
Шундан сўнг тезкор тадбир Тошкент шаҳрида давом эттирилиб, Тошкент педиатрия тиббиёт институти клиникаси шифокори жиноий шеригидан 8 минг АҚШ долларини олган вақтида ушланди.

Қўқон давлат педагогика институтининг ёшлар масалалари бўйича масъулларидан бири маҳаллий фуқародан унинг танишини мазкур олий ўқув юртининг “Жисмоний маданият” факультетига ўқишга киритиб қўйишни ваъда қилиб, 3000 АҚШ доллари олган вақтида ДХХ Фарғона вилояти бошқармаси ва Департаментнинг вилоят бошқармаси ходимлари томонидан ушланди.
Дастлабки суриштирув давомида, у ушбу пул маблағини институт факультетларидан бирининг деканига бериши лозимлигини айтди ва тезкор тадбир давом эттирилиб, факультет декани ҳам 3 минг АҚШ долларини олган пайтида қўлга олинди.

Ҳозирда мазкур ҳолатлар юзасидан жиноят ишлари қўзғатилиб, ушбу ишларга алоқадор бўлган бошқа шахсларни аниқлаш бўйича чоралар кўрилмоқда.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Андижонда турмушга чиққанига 5 ой бўлган келинни зўрлашда гумонланаётган 6 кишининг шахсига аниқлик киритилди

Андижон вилояти Андижон туманида оилали аёл зўрлангани маълум қилинди. Бу ҳақда ҳуқуқ тартибот органлари хабар қилди. Маълум бўлишича, шу...
Кеча, 21:11
1

Видео: Самарқандда ёш йигит Алишер Навоий ҳайкалига тупурди

Самарқанд вилоятидаги Каттақўрғон боғида ёш йигит Алишер Навоий ҳайкалига тупурди. Ҳодиса видеолавҳаси тармоқларда тарқатилди. Маълум...
Кеча, 16:19
2

Видео: Тошкентдаги Ботаника боғида ёнғин юз берди

Тошкент шаҳрида жойлашган Ботаника боғида ёнғин юз берди. Бу ҳақда ФВВ хабар қилди. Маълум бўлишича, бугун соат 11:55ларда боғнинг орқа...
Кеча, 16:11

Наманганда ҳоким ўринбосари, Тошкентда эса солиқчи пора билан ушланди

Наманган вилояти ва Тошкент шаҳрида мансабдорлар пора билан қўлга тушди. Бу ҳақда EVERYDAY.UZ мухбири хабар қилди. Маълум бўлишича, ҳуқуқ...
Кеча, 11:17
3

Видео: Элдор Шомуродов заҳирадан майдонга тушиб иккита гол урди

Италиянинг Женоа клуби сафида тўп сураётган ҳамюртимиз дублга эришди. Маълум бўлишича, Италия А Сериясининг 37-турида Женоа Аталантани...
Кеча, 00:17
Ўзбекистон янгиликлари » Сиёсат » Видео: ДХХ коррупция ва фирибгарлик билан боғлиқ ҳолатларга чек қўйди