ДХХ катта миқдордаги кучли таъсир қилувчи дори воситаларини мусодара қилди

ДХХ катта миқдордаги кучли таъсир қилувчи дори воситаларини мусодара қилди
ДХХ ходимларининг Фарғона вилоят ИИБ ва Бош прокуратура ҳузуридаги Департаментнинг ҳудудий бошқармаси билан ҳамкорликда ўтказган тезкор тадбирлари давомида кучли таъсир қилувчи дори воситаларининг ноқонуний муомаласига чек қўйилди. Бу ҳақда EVERYDAY.UZ мухбири хабар қилди.

Жумладан, Андижон шаҳрида жойлашган “Vitamin Expert” МЧЖ иш юритувчиси “М.М.” Фарғона шаҳрида 1120 дона “Лирика” ва 110 дона “Тропикамид” дори воситаларини 28 млн. 350 минг сўмга сотаётган вақтида қўлга олинди.

Дастлабки суриштирув ҳаракатлари давомида “М.М.” мазкур дори препаратларини Андижон вилояти Пахтаобод тумани Маданият қишлоғида яшовчи “Д.А.”дан олганлиги маълум бўлди.

Шундан сўнг тезкор тадбир Андижон вилоятида давом эттирилиб, “М.М.”дан сотилган товар учун 20 млн сўм олган вақтида “Д.А.” ҳам ушланди.
Аниқланишича, “Д.А.” ушбу кучли таъсир этувчи дори воситаларини Қирғизистон Республикаси Жалолобод вилоятида яшовчи “Шохжахон” исмли шахсдан сотиб олиб, Пахтаобод туманидаги айланма йўллар орқали мамлакатимиз ҳудудига олиб кирган.

Шунингдек, Марғилон шаҳрида ўтказилган бошқа бир тезкор тадбир давомида Риштон туманида яшовчи “М.С.” «Фарғона-Тошкент» йўналишидаги автотураргох ёнида 808 дона «Тропикамид» дори воситасини 60 млн. 600 минг сўмга сотаётган вақтида қўлга олинди.

Олтиариқ туманида ўтказилган тезкор тадбирда эса “Ю.С.” ва “Х.О.”лар Қирғизистондан келтирилган 5600 дона “Лирика” дори воситасини 100 млн. сўмга сотмоқчи бўлган вақтларида ушланди.

Бундан ташқари, Қува туманида ўтказилган тезкор тадбирда ҳам 2240 дона «Лирика» капсуласини 3000 АҚШ долларига сотган вақтларида маҳаллий фуқаролар “Я.Я.”, “А.М.” ва “А.С.”лар ушланди.

Таъкидлаш лозимки, бундай кучли таъсир қилувчи дори воситаларининг асосий истеъмол бозори сифатида кўриладиган Тошкент шаҳрида ДХХ, ИИВ ва Бош прокуратура ҳузуридаги Департамент ходимларининг ҳамкорликда ўтказган тезкор тадбирлари давомида Наманган вилоятида яшовчи “Ю.О.”, “О.О.” ва “Ж.О.”лар қўлга олинди. Улардан Қирғизистондан ноқонуний равишда олиб келинган 15 минг донадан зиёд “Регапен” капсулалари процессуал тарзда расмийлаштириб олинди.

Ўтказилган тезкор тадбирлар давомида жами 8960 дона “Лирика”, 15022 дона “Регапен” ва 918 дона “Тропикамид” дори воситалари мусодара қилинди.

Ҳозирда мазкур ҳолатлар бўйича Жиноят Кодексининг тегишли моддаларига асосан жиноят ишлари қўзғатилиб, тергов ҳаракатлари олиб борилмоқда.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Республика ишчи гуруҳи: пойтахт натижалари

Бу йилги қиш пойтахт аҳолиси учун ҳам анча синовли келгани, электр ва иссиқлик энергияси, табиий газ, ичимлик суви каби энг бирламчи ҳаётий...
Кеча, 20:35

“ Самарқанд давлат университети талабаларига дарс ўтганимдан сўнг инглиз тилини билиш даражаси сезиларли даражада ўсди...”

Бу - Осиё чет тили ўқитувчилари уюшмаси президенти, Самарқанд давлат университети инглиз тили кафедраси мудири, профессор Равиндер...
27-01-2023, 22:05

Пандемия сабаб тўхтаган Фарғона–Қирғизистон йўналишидаги микроавтобус қатнови қайта тикланди

Пандемия сабаб тўхтаган Фарғона–Қирғизистон йўналишидаги микроавтобус қатнови қайта тикланди 26 январдан бошлаб “Фарғона – Қувасой –...
27-01-2023, 11:44

2022 йилнинг 12 ойи мобайнида Тошкентда 1200 та йўл-транспорт ҳодисаси содир бўлган

Маълумотларга кўра , 2022 йилнинг 12 ойи мобайнида Тошкентда 1200 та йўл-транспорт ҳодисаси содир бўлган. ЙТҲ оқибатида ҳалок бўлганлар...
27-01-2023, 11:42

O'zLiDeP ўзаро манфаатли ҳамкорликни қўллаб-қувватлайди

Куни кеча мамлакатимиз Энергетика вазирлиги билан “Газпром” компанияси ўртасида газ соҳасида ўзаро ҳамкорлик қилиш бўйича “йўл...
27-01-2023, 11:40
Ўзбекистон янгиликлари » Сиёсат » ДХХ катта миқдордаги кучли таъсир қилувчи дори воситаларини мусодара қилди