Шуҳрат Ғаниевнинг бош вазир ўринбосари бўлиши ҳақидаги хабар расман тасдиқланди. Ғаниев мамлакатнинг аграр соҳаси учун жавоб беради.
Шуҳрат Ғаниев қайси меҳнатлари эвазига бош вазир ўринбосари бўлди? Мавжуд маълумотларга кўра, ҳукуматда Ғаниевнинг Фарғона вилояти ҳокими бўлиб ишлаган вақтидаги ютуқлари ҳисобга олинган.
Маълум бўлишича, вилоятда шу йилнинг ўзида 20 мингдан ортиқ лойиҳалар амалга оширилган. Бундан ташқари, Ғаниев бошчилигида вилоят аграр соҳада етакчи бўлди. Шунингдек, Қўқон эркин иқтисодий зонасида 50 мингдан ортиқ корхоналар очилган. Хорижий давлатлар билан ҳамкорликда амалга ошириладиган ишлар 500дан ошиб кетди.
Ғаниев вилоят ҳокимлигидан кетгандан сўнг ҳудудга Хайрулло Бозоров (у Наманган вилоятига ҳокимлик қилаётган эди) раҳбарлик қиладиган бўлди. Наманган вилоятига эса Шавкат Абдураззоқов ҳоким бўлди. У бунга қадар Экология ва атроф муҳитни мухофаза қилиш давлат қўмитасига раҳбарлик қилиб келаётган эди.
