Авввалроқ Наманган вилоятига янги ҳоким тайинлангани ҳақида ёзган эдик. Вилоятнинг янги раҳбари этиб Шавкат Абдураззоқов тайинланди.
Ҳоким биринчи иш кунини коронавирусга чалинганларни тақсимлаш марказига боришдан бошлади. Бугун Абдураззоқов Namangan city лойиҳасини ўзгартиришга қарор қилди.
“Namangan city’ни қуриш тўғрисидаги қарор бекор қилинади”, – дейди ҳоким Абдураззоқов.
Мавжуд маълумотларга кўра, лойиҳа Фурқат ва Гулистон маҳаллаларида амалга оширилмайди. Namangan city Наманган шаҳрига қўшилган ҳудудларда қурилади. Юқорида қайд этилган маҳаллаларда яшовчи аҳолининг уйлари бузилишига қарши бўлишлари ушбу қарорга келишга сабаб бўлиши мумкинлиги таъкидланмоқда.
