Ўзбекистонда ЙПХ ходимларига суғуртаси бўлмаган ҳайдовчиларнинг машинасини жарима майдончасига олиб боришлари тақиқланди. Бу ҳақда EVERYDAY.UZ мухбири хабар қилди.
Аввалроқ ушбу тартибни жорий этиш бўйича менинг фикрим порталига қўйилган мурожаат керакли бўлган 10 минг овозни тўплаган эди. Шундан сўнг ушбу таклиф депутатлар томонидан кўриб чиқилди.
Таклиф кўриб чиқилгач, депутатлар қонун лойиҳасини тузишди. Ишлаб чиқилган қонунга кўра 29 сентябрда айрим ҳужжатларга ўзгартириш киритилди. Хусусан, Маъмурий жавобгарлик тўғрисидаги кодекснинг 291-моддасининг “а” қисмига ўзгартириш киритилди. Шундай қилиб, эндиликда инспекторлар фуқарода суғуртаси бўлмаса машинасини жарима майдончасига олиб бормайдиган бўлди.
