Ўзбекистонда ҳокимлар аҳолидан узр сўрашда давом этишмоқда. Бу ҳақда Дарё нашри хабар қилди.
Қашқадарё вилояти Касби тумани ҳокими Тўхтамурод Мейлиев 197 минг нафар аҳоли олдида узр сўради. Ҳоким фаолиятда йўл қўйилган хато учун кечирим сўради.
Мавжуд маълумотларга кўра, Касби тумани ривожланишнинг 13 йўналиши бўйича қизил зонада бормоқда. Мейлиев 2021 йилнинг 1 январигача хатоларни тўғирлашни ва ҳудудни иқтисодий инқироздан олиб чиқишга ваъда берди. Эслатиб ўтамиз, аввалроқ Навоий вилояти Томди тумани ҳокими ҳам аҳолидан узр сўраган эди.
