Наманган вилояти ҳокими Шавкатжон Абдураззақов ўзини ёқиб юборган аёлнинг уйига борди. Бу ҳақда Дарё нашри хабар қилди.
Маълум бўлишича, вилоят ҳокими марҳума Гуландом Дадабоеванинг уйига бориб, унинг яқинларига таъзия билдирган. Шунингдек, ҳоким марҳуманинг икки нафар – 12 ва 15 ёшли ўғиллари муносиб шароитларда улғайишини, уларга ҳар томонлама кўмак берилишини маълум қилди. Ҳоким ушбу иш билан ҳозирда ҳуқуқни муҳофаза қилувчи органлар шуғулланаётганини, вазиятга қонуний баҳо берилиб, натижаси эълон қилинишини маълум қилди.
Эслатиб ўтамиз, шу йил 29 сентябрь куни аёл МИБ ходимлари ҳаракатига норозилик билдириб, ўзига ўт қўйиб юборган ва 30 сентябрь куни танасининг 80 фоиздан ортиғи куйиши натижасида вафот этган. Ҳолат бўйича ЖКнинг 103-моддаси 1-қисми (ўзини ўзи ўлдириш даражасига етказиш) билан жиноий иш қўзғатилган.
