Бош прокуратура Юқумли касалликлар шифохонаси бош шифокорининг уй қамоғига ўтказилганини маълум қилди. Бу бўйича маълумот Бош прокуратура ахборот хизмати томонидан тақдим этилди.
Маълум бўлишича, бош шифокор Г.Йўлдошева аёл эканлиги ва 6 нафар фарзанднинг онаси экани инобатга олиниб, у ҳибсхонадан уй қамоғига ўтказилган. Жиноят иши бўйича тергов ҳаракатлари эса давом этиши маълум қилинди.
Эслатиб ўтамиз, аввалроқ Г.Йўлдошева ЖКнинг 167-моддаси 3-қисми “а” банди ҳамда 207-моддаси 3-қисми “а” банди билан айбланувчи тариқасида терговга жалб этилиб, ҳибсга олинган эди.
