Ўзбекистонлик чегарачилар Қирғизистондан қочиб кетмоқчи бўлган амалдорни ушлади. Бу ҳақда 24.kg хабар қилди.
Маълум бўлишича, Кара-Суй тумани ҳокими Тилек Матраимов Қирғизистондан қочмоқчи бўлган. У билан бирга ўғли, жияни ва шахсий тансоқчиси бўлган.
Эркаклар қирғиз-ўзбек чегарасини дарё орқали кесиб ўтмоқчи бўлган. Ўзбекистонлик чегарачилар уларни ушлаб, қўшни мамлакат чегарачиларига топширган. 9 октябрда эса ҳолат юзасидан чегарани ноқонуний кесиб ўтиш бўйича Қирғизистон тергов органлари томонидан ЖКнинг 358 моддасига кўра жиноий иш қўзғатилган.
Таъкидлаш жоиз, Матраимов Қирғизистондаги таниқли оиланинг вакили ҳисобланади. Унинг қариндошлари юқори лавозимларда фаолият юритади. Аввалроқ Матраимовлар президент Сооронбай Жээнбековга қарши қўллиниши керак бўлган импичментга норозилик билдирган. Эслатиб ўтамиз, аввалроқ Қирғизистон чегарачилари амалдорларнинг мамлакатдан чиқиб кетишларига йўл қўймасликка ваъда берган эди.
