Шавкат Мирзиёев Эмомали Раҳмонни сайловдаги ишончли ғалаба билан табриклади. Бу ҳақда Ўзбекистон президенти матбуот хизмати хабар қилди.
Маълум бўлишича, Ўзбекистон ва Тожикистон раҳбарлари ўртасида телефон орқали мулоқот бўлиб ўтган. Унда Мирзиёев Раҳмонни президентликка бўлиб ўтган сайловдаги ишончли ғалаба билан табриклаган. Икки давлат раҳбарлари алоқаларни янада кенгайтириш кераклигини таъкидлаган. Шунингдек, суҳбатда Қирғизистондаги вазият ҳам муҳокама қилинган.
Эслатиб ўтамиз, Тожикистонда бўлиб ўтган сайловда Эмомали Раҳмон 90,92 фоиз овоз тўплаб, давлат раҳбарлигига яна қайта сайланди.
