O'zLiDeP вакили Шаҳрисабздаги Koica ўқув марказида касб-ҳунар ўрганаётган ёш йигит-қизлар билан учрашди

O'zLiDeP вакили Шаҳрисабздаги Koica ўқув марказида касб-ҳунар ўрганаётган ёш йигит-қизлар билан учрашди
Ўзбекистон Республикаси Бандлик ва меҳнат муносабатлари вазирлигининг “Ўзбекистонда касб-ҳунарга ўқитиш имкониятларини ривожлантириш” лойиҳаси доирасида Корея халқаро ҳамкорлик агентлиги (KOICA) иштирокида Шаҳрисабз шаҳрида ташкил этилган касб-ҳунарга ўқитиш маркази 2018 йилда фаолиятини бошлаган бўлиб, бугунги кунда марказда 5 та йўналиш бўйича ишсиз фуқаролар касб-ҳунарга ўқитилмоқда.

O`zLiDeP Сиёсий Кенгаши Ижроия қўмитаси раиси ўринбосари Дилшод Шоумаров марказ фаолияти билан яқиндан танишар экан, Корея технологияси асосида жиҳозланган ўқув хоналари, хориждан келтирилган махсус асбоб-ускуналарни бошқараётган, эгаллаётган касбига иштиёқи юқори йигит-қизлар фаолиятига юксак баҳо берди.
O'zLiDeP вакили Шаҳрисабздаги Koica ўқув марказида касб-ҳунар ўрганаётган ёш йигит-қизлар билан учрашди

Хусусан, марказда ишсиз фуқароларга металлга ишлов бериш ва чилангарлик, электр ва электроника, ахборот технологиялари, йигирув ишлаб чиқариши технологияси ҳамда тикув жараёни технологиялари касбини мукаммал эгаллашлари учун ўқув амалиёти ва лаборатория хоналарида зарур қулайликлар яратилган. 2019 йилда ўқув марказининг 249 нафар биринчи битирувчиларига диплом топширилди. Корея Республикаси экспертлари томонидан Корея халқаро ҳамкорлик агентлиги (KOICA) ҳамкорлигида “Шаҳрисабз шаҳридаги ишсиз ва банд бўлмаган аҳолини касб-ҳунарга ўқитиш марказини ташкил этиш” лойиҳасининг якуний хулосаларига кўра, ўқув марказида битирувчиларни ишга жойлаштириш даражаси (95 фоиз) юқорилиги эътироф этилди.

-Айни пайтда марказда 240 нафар турли ёшдаги ишсиз фуқаролар ҳунар ўрганмоқда, - дейди марказ раҳбари, O`zLiDeP Шаҳрисабз шаҳар Кенгаши раиси, шаҳар Кенгаши депутати Фазлиддин Ражабов. – Энг қувонарлиси, бизда тайёрланаётган касб эгалари ўз соҳасини мукаммал эгаллайди ва ишга қабул қилиш бўйича эълон қилинган танловларда юқори ўринларни эгаллаб келишмоқда. Президентимиз Шавкат Мирзиёев раислигида 8 октябрь куни ўтказилган видеоселектор йиғилишида ҳам айнан ишсиз ёшлар ва аёллар бандлигини таъминлаш масалалари таҳлил қилинди ва бу борада мутлақо янги тизим яратиш хусусида айтилди. Демак биз фаолиятимизни янада кенгайтириб, турли ёшдаги ишсиз ёшлар, айниқса, хотин-қизларга ҳунар ўргатамиз, жамиятда ўз ўрнини топишига кўмаклашамиз.

Дилшод Шоумаров “Тикув жараёни технологиялари” касбини ўрганаётган хотин-қизлар ва “Электр ва электроника” йўналишида таҳсил олаётган ўқувчилар билан қизғин суҳбат қурди, уларнинг саволларига батафсил жавоб қайтарди.

O`zLiDeP Қашқадарё вилоят Кенгаши
матбуот хизмати

Ўхшаш янгиликлар

  1. O`ZBEK 12 октябр 2020 15:06
    Олдинги колледжларда хам шу касбларга ургатишар эди. У укитувчиларни ишдан бушатиб корреядан келган уктувчилар дарс утмокдами ёки уша укитучиларми. энг кизиги маколга ухшаб "ЭШШАК УША УША, ФАКАТ ЖУЛИ ЯНГИ" Хаммаси Давлат Бюджетини умариш билан овора.
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Олий Мажлис депутати умумий овқатланиш объектларини ҳавони ифсослантиришда айблади

Олий Мажлис Қонунчилик палатаси депутати Ольга Литвинова экология муаммолари ҳақида гапирди. Депутат умумий овқатланиш объектларини ҳавони...
Кеча, 13:16
1

Шавкат Мирзиёев Самарқандда ишсизлар ва камбағалликни бутунлай йўқотиш учун қанча вақт кераклигини айтди

Аввалроқ Президентликка ЎзЛиДеПдан номзод Шавкат Мирзиёев самарқандлик сайловчилар билан учрашгани ҳақида ёзган эдик. Мирзиёев учрашув...
Кеча, 13:02
1

Ўзбекистонда 97 млн долларлик хазина топилгани ҳақидаги хабарга изоҳ берилди

Аввалроқ ижтимоий тармоқларда блогер хазина топиб олгани айтилган видео тарқалган эди. Видео телеграм каналларда эълон қилинди. Видеода...
Кеча, 11:39

Шавкат Мирзиёевнинг самарқандлик сайловчилар билан учрашуви кўтаринки руҳда ўтди

Тадбиркорлар ва ишбилармонлар ҳаракати – Ўзбекистон Либерал-демократик партиясидан Ўзбекистон Республикаси Президентлигига номзод Шавкат...
24-09-2021, 20:07

Навоийда бошқарувни йўқотган Nexia ағдарилиб кетди. Ҳайдовчининг салонда бўлган 75 ёшли онаси вафот этган

Навоий вилоятининг Нурота туманида Nexia-2 ҳайдовчиси эътиборсизлиги сабаб бошқарувни йўқотиши оқибатида автомобиль ағдарилиб кетди, деб...
24-09-2021, 18:59
Ўзбекистон янгиликлари » Сиёсат » O'zLiDeP вакили Шаҳрисабздаги Koica ўқув марказида касб-ҳунар ўрганаётган ёш йигит-қизлар билан учрашди