Фармон лойиҳаси муҳокамасида депутатлар ҳам фаол иштирок этмоқда

Фармон лойиҳаси муҳокамасида депутатлар  ҳам фаол иштирок этмоқда
Бугун мамлакатимизда таълим тизимида амалга оширилаётган янгиланишларга ҳеч бир соҳа ходими бефарқ эмас ва бефарқ бўлишга ҳаққи ҳам йўқ. Чунки юртимиз келажаги, тараққиёти ва тақдири ҳар томонлама юксак билим ва салоҳиятга эга замонавий кадрлар тайёрлаш билан чамбарчас боғлиқ.

Бу борада Ўзбекистон Республикаси Президентининг “Мамлакатимиз таълим-тарбия тизимини янада такомиллаштириш, илм-фан соҳаси ривожини жадаллаштиришга оид қўшимча чора-тадбирлар тўғрисида”ги фармони лойиҳаси эълон қилингани ва бу лойиҳа кенг жамоатчилик томонидан муҳокама этилаётгани диққатга сазавордир.

Халқ депутатлари Сирдарё туман Кенгашининг ўн учинчи сессияси иши ҳам айни ушбу фармон лойиҳаси муҳокамасига бағишланди.
Унда Олий Мажлис Қонунчилик палатаси Спикери ўринбосари Актам Ҳаитов иштирок этиб, кун тартибидаги масала юзасидан ўз фикр-мулоҳазаларини билдирди.
Фармон лойиҳаси муҳокамасида депутатлар  ҳам фаол иштирок этмоқда

Спикер ўринбосари фармон лойиҳаси хусусида тўхталар экан, умумтаълим муассасалари директорларини лавозимга тайинлаш, уларга нисбатан интизомий жазо қўллаш ҳамда иш берувчининг ташаббусига кўра лавозимидан озод этиш тегишли халқ депутатлари туман (шаҳар) Кенгашлари билан келишган ҳолда амалга оширилиши, директорликка номзоднинг туман кенгашлари томонидан танловдан ўтказилишини айтиб, тайинланган мактаб директорининг ҳар ўқув йили якунида депутатларга ҳисобот бериши депутатлар зиммасига катта масъулият юклашини таъкидлади.

Лойиҳани янада такомиллаштириш ва ҳар бир ҳудудга мос тарзда ишлаб чиқишда бошқа соҳа ходимлари каби депутатлар ҳам фаол ва ташаббускор бўлиши лозимлигини қайд этди.

–Мамлакатимиз таълим-тарбия ва илм-фан соҳаларини такомиллаштириш, айниқса, таълим тизимида хусусий сектор иштирокини кенгайтириш ҳар қачонгидан ҳам муҳимроқ, – деди А.Ҳаитов. –Шу боисдан дунё миқёсидаги бугунги кескин рақобатга бардош бера оладиган миллий таълим тизимини яратиш зарурдир. Фармон лойиҳасида таълим хизматларини кўрсатиш бўйича хусусий секторнинг салмоғини кенгайтириш бўйича устувор вазифалар ўрин олгани ғоят аҳамиятлидир.

Сессияда фармон лойиҳаси муҳокамаси туман Кенгаши депутатлари, таълим соҳаси вакиллари томонидан ҳам қизғин баҳс ва мунозараларга сабаб бўлди.

Олий Мажлис Қонунчилик палатаси депутати Комилжон Эрназаров сессияда билдирилган таклиф ва мулоҳазалар ҳақида фикр юритар экан, бу таклифларнинг баъзилари фармон лойиҳасини янгича мазмун билан бойитишини таъкидлади.

Сессияда кўриб чиқилган барча масалалар юзасидан тегишли қарорлар қабул қилинди.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

“ Самарқанд давлат университети талабаларига дарс ўтганимдан сўнг инглиз тилини билиш даражаси сезиларли даражада ўсди...”

Бу - Осиё чет тили ўқитувчилари уюшмаси президенти, Самарқанд давлат университети инглиз тили кафедраси мудири, профессор Равиндер...
27-01-2023, 22:05

Пандемия сабаб тўхтаган Фарғона–Қирғизистон йўналишидаги микроавтобус қатнови қайта тикланди

Пандемия сабаб тўхтаган Фарғона–Қирғизистон йўналишидаги микроавтобус қатнови қайта тикланди 26 январдан бошлаб “Фарғона – Қувасой –...
27-01-2023, 11:44

2022 йилнинг 12 ойи мобайнида Тошкентда 1200 та йўл-транспорт ҳодисаси содир бўлган

Маълумотларга кўра , 2022 йилнинг 12 ойи мобайнида Тошкентда 1200 та йўл-транспорт ҳодисаси содир бўлган. ЙТҲ оқибатида ҳалок бўлганлар...
27-01-2023, 11:42

O'zLiDeP ўзаро манфаатли ҳамкорликни қўллаб-қувватлайди

Куни кеча мамлакатимиз Энергетика вазирлиги билан “Газпром” компанияси ўртасида газ соҳасида ўзаро ҳамкорлик қилиш бўйича “йўл...
27-01-2023, 11:40

Табрик

Ўзбекистон Миллий телерадиокомпанияси Раиси А.Ж. Хаджаевга Ҳурматли Алишер Жўрақулович! Бугунги қутлуғ сана – таваллудингизнинг 60 йиллиги...
26-01-2023, 21:57
Ўзбекистон янгиликлари » Сиёсат » Фармон лойиҳаси муҳокамасида депутатлар ҳам фаол иштирок этмоқда