Вилоят ҳокими ҳолатга изоҳ берди. Унинг айтишича, вилоятдаги барча мактаб филиалларини ўрганиш учун махсус гуруҳ тузиш даркор. Бутун вилоят ҳудудида 300дан ортиқ мактаб филиаллари борлиги аниқланган. Уларнинг 274 тасида кадастр ҳужжати йўқ. Мирзаев “Агар қўшни қишлоқда мактаб бўлса, бу мактаб филиаллари бизга керакми?” деган саволга жавоб топиш кераклигини таъкидлади.
“Муаммоларни ҳал қилиш учун улар ҳақида тўлиқ маълумотга эга бўлиш керак. Шундан сўнггина муаммолар ечилади. Масалан, вилоятдаги 234 та мактаб филиалларида иситиш тизими мавжуд эмас. Ушбу муаммоларни ҳал қилиш учун 17 млрд сўм керак. Ҳозирча 9,5 млрд ажратилган. Шунинг ҳисобидан, 116 та мактаб иситиш тизими билан таъминланади”, – дейди Мирзаев.
Ҳоким шунингдек, 30 фоиз мактабларда спорт заллари йўқлигини таъкидлади. Мирзаев мактабларнинг муаммолари ҳақида аниқ маълумот беришни сўраган. Шу йўл орқалигина мутасаддилар билан муаммоларни ечиш мумкинлиги маълум қилинди.
