Бугун Ўзбекистон президенти Шавкат Мирзиёев раислигида йиғилиш бўлиб ўтди. Унда таълим-тарбия, илм-фан масалалари муҳокама қилинди.
Хусусан, йиғилишда мактабларда ўқув методикасини қайта кўриб чиқиш кераклиги билдирилди. Президент ўқувчиларни фақат ёдлашга эмас, балки фикрлашга чорлайдиган методика яратиш зарурлигини таъкидлади.
Ушбу йўналишда Финляндия тажрибасини ўрганиш зарурлиги қайд этилди. Мазкур давлат дунёда саводхонлик, табиий фанлар ва математика бўйича энг илғор эканлиги таъкидланди.
