Хабар қилганимиздек давлатимиз раҳбари Шавкат Мирзиёев кеча, 30 октябрь куни мамлкатимизда таълим-тарбия билан боғлиқ вазиятга бағишланган видеоселектор йиғилишини ўтказди.
Президент йиғилишда мактаб билан фақат халқ таълими вазирлиги шуғулланиши керак эмаслигини, бу умумиллий ҳаракат бўлиши кераклигини таъкидлади. Давлат раҳбари ҳокимларнинг, айниқса шаҳар раҳбарларининг таълим-тарбия билан шуғулланмаслигини танқид қилди.
“Ҳокимлар фермернинг исмини билади, лекин улар ўқитувчи, мактаб директорларининг исмини билмайди. Мактаб бу аввало давлатнинг, бутун жамиятимизнинг энг асосий, энг муҳим ишидир. Кимдир ўқитувчи зотига қандайдир паст назар билан, ҳурматсизлик кўрсатиб қарагандай бўлса, ундай кишиларни давлат ҳам жамият ҳам ҳурмат қилмайди”, – дейди Шавкат Мирзиёев.
