Спикер ўринбосари Актам Хаитов фарғоналик тадбиркорлар билан мулоқот қилди

Спикер ўринбосари Актам Хаитов фарғоналик тадбиркорлар билан мулоқот қилди
OʻzLiDePдан сайланган Данғара туман Кенгаши депутати, “Аюбхон Текстиль” масъулияти чекланган жамияти раҳбари ва шу корхонадаги бошланғич партия ташкилоти раиси Дилшодахон Усмоновани бугунги кунда нафақат фарғоналиклар, балки республикамиз аҳолиси ҳам яхши танийди. Боиси бу тадбиркор опа мамлакатимизда коронавирус касаллиги аниқланган кунданоқ, корхонасида тиббий ниқоблар тикишни йўлга қўйиб, ҳар куни минг-минглаб тиббий ниқобларни юртдошларимизга бепул тарқатди. Бундан ташқари, ташаббускор депутат карантин даврида Данғара тумандаги юзлаб ишсиз хотин-қизларни мавсумий иш билан таъминлади. Мазкур тадбиркорлик субъектида ишчилар учун барча шароитлар яратилган, ишчиларнинг ойлик маошлари ҳам ўз вақтида берилади.

Олий Мажлис Қонунчилик палатаси Спикери ўринбосари, O'zLiDeP фракцияси раҳбари Актам Ҳаитов пандемия даврида тадбиркорлик субъектлари фаолияти билан танишиш, уларга амалий кўмак бериш мақсадида Фарғона вилоятидаги тадбиркорлик субъектларида бўлди.
Спикер ўринбосари “Аюбхон текстиль” МЧЖ қошида ташкил этилган бошланғич партия ташкилотида тадбиркорлар, депутатлар ва партия фаоллари билан учрашиб, мулоқот қилди.

Мулоқотларда тадбиркорликни қўллаб-қувватлаш O‘zLiDeP дастурининг бош мақсади этиб белгилангани алоҳида таъкидланди.

– Эл бошига иш тушган бир пайтда тадбиркор сифатида ҳамюртларимизни бу балодан асраш учун жамоамиз билан бел боғлаганмиз. Ташкилотимизда мунтазам равишда ишсиз аёллар ўртасида тадбиркорликни ривожлантириш бўйича маҳорат дарси ташкил этилади. Ҳозирги кунда корхонамизда юз нафарга яқин хотин-қизлар фаолият юритиб келмоқда. Улар томонидан ишлаб чиқарилаётган трикотаж маҳсулотлари ички бозорларда ўз харидорларига эга, – дейди Дилшодахон Усмонова.

Актам Ҳаитов мазкур тадбиркорлик субъектидаги ишлаб чиқариш жараёни, ишчиларга яратилган шароит билан яқиндан танишди. Бу масканда иш кўламини янада ривожлантириш бўйича ўз фикр-мулоҳазаларини билдирди.

O'zLiDeP Фарғона вилояти
Кенгаши матбуот хизмати.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Партиялараро ҳамкорлик йўналишлари белгилаб олинди

Ўзбекистон ва Озарбойжон ўртасидаги кўп қиррали ҳамкорликда O‘zLiDeP ва “Ени Азербайжан” партиялари ўртасидаги алоқалар муҳим ҳисобланади....
Кеча, 13:13

Марк Цукерберг Apple сиёсатини танқид қилди

Facebook ижтимоий тармоғи асосчиси Марк Цукерберг иловаларни бошқариш бўйича Apple сиёсатини танқид қилди. Бу ҳақда Bloomberg хабар берди....
Кеча, 10:24

Ижтимоий тармоқларда тарқалган ҳолатга аниқлик киритилди

Ижтимоий тармоқлар орқали «Сирдарёда «Жигули» ҳайдовчиси итини ўлдириб, калласини машинага ёпиштириб, айланиб юргани айтилди» мазмунида...
Кеча, 10:16

Ошхона ходимлари томонидан икки ойда 70 миллион сўмга яқин маблағ талон-тарож қилинган

Навоий кон-металлургия комбинати жамғармаси “Зарафшон” ҳудудий бошқармасининг тегишли хатига кўра, терговга қадар текширув ҳаракатлари олиб...
Кеча, 10:14

Уяли телефон хизматига адашиб тўланган пулни қайтариб олиш учун нима қилиш керак?

Наманганлик истеъмолчи уяли телефони учун тўловни банк иловаси орқали амалга ошириш жараёнида иккита нолни ортиқ териб юборган. Оқибатда...
Кеча, 10:11
Ўзбекистон янгиликлари » Сиёсат » Спикер ўринбосари Актам Хаитов фарғоналик тадбиркорлар билан мулоқот қилди