Аввалроқ Ўзбекистон Бош прокурори Ниғматилла Йўлдошев раислигида коррупциянинг олдини олишга бағишланган йиғилиш ўтказилаётгани ҳақида ёзган эдик.
Йиғилишда Йўлдошев нутқ сўзламоқда. Бош прокурор нутқида Ўзбекистонда ҳудудлардаги ҳокимликлар ходимлари, ҳудуд раҳбарларининг ўринбосарлари томонидан амалга оширилган коррупцион ҳолатлар ҳақида айтиб ўтди.
Йўлдоишевнинг маълум қилишича, Юнусобод туман ҳокими ўринбосари З,5 минг, Бувайда туман ҳокими ўринбосари Д. 20 минг, Мирзо Улуғбек туман ҳокимлиги уй - жой ширкатлари уюшмаси раиси А. 35 минг доллар пора билан ушланган. Уларнинг барчаси ерни ноқонуний ажратиб бериш билан шуғулланган.
Шунингдек, Сурхондарёда Шўрчи туман ҳокимлиги ходими тадбиркорга имтиёзли кредит олиб бергани учун хизмат ҳақи эвазига 2 минг доллар талаб қилиб, қўлга киритган. Андижон вилояти ҳокимлиги мутахассиси эса Шаҳрихон туман Силга қарши курашиш диспансери биносини шериклари билан тил бириктириб, тадбиркорлик қилиш учун “ноль” қийматда олган. Лекин у ерда ҳеч қандай иш қилинмай, бино бузилиб, ундан чиққан қурилиши материаллари 760 млн сўмга сотиб юборилган.
