Ўзбекистон президенти Шавкат Мирзиёев Қирғизистон президенти вазифасини бажарувчиси Садир Жапаров билан телефон орқали мулоқот қилди. Бу ҳақда Ўзбекистон президенти матбуот хизмати хабар қилди.
Маълум бўлишича, мулоқот кеча, 14 ноябрь куни ташкиллаштирилган. Унда икки давлат раҳбарлари савдо-саноат, қишлоқ хўжалиги, транспорт, чегара ва бошқа долзарб масалалар юзасидан фикр алмашган. Қирғизистон президенти матбуот хизматининг маълум қилишича, Жапаров Мирзиёев билан суҳбат давомида коронавирусга қарши курашишда кўрсатган ёрдами учун миннатдорчилик билдирган. Ўзбекистон қирғиз халқи учун қийин бўлган вазиятда қўшни давлатга дори-дармон, шахсий ҳимоя воситалари, тиббиёт анжомлари ва озиқ-овқат етказиб беришда ёрдам кўрсатган.
Эслатиб ўтамиз, Қирғизистонда президентликка сайлов бўлиб ўтиши муносабати билан Жапаров Қирғизистон президенти ваколатларидан воз кечди. У сайловда оддий фуқаро сифатида қатнашади. Қоннунга кўра эндиликда давлатнинг в.б. президенти парламент спикери Талант Мамитов бўлди.
