Жорий йилда Ўзбекистонда қандай нуфузли халқаро форумлар бўлиб ўтади?

Жорий йилда Ўзбекистонда қандай нуфузли халқаро форумлар бўлиб ўтади?
2017–2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Фаол инвестициялар ва ижтимоий ривожланиш йили”да амалга оширишга оид Давлат дастури лойиҳасида мамлакатимиз қатор нуфузли халқаро анжуманларга мезбонлик қилиш назарда тутилган. Бу ҳақда "Халқ сўзи" хабар қилмоқда.

Жумладан, февраль ойида Тошкент шаҳрида Марказий Осиёда минтақавий ҳамкорликни ривожлантиришга бағишланган халқаро конференцияси ўтказиш кўзда тутилган. Шу бўйича Вазирлар Маҳкамаси фармойиши лойиҳасида Марказий Осиё давлатлари етакчи олимлари ва экспертларининг форумини ўтказишга оид ташкилий чора-тадбирлар назарда тутилади.

Апрель ойида Марказий Осиё давлатлари раҳбарларининг маслаҳатлашув учрашувини ўтказиш режалаштирилган. Шу бўйича Ўзбекистон Республикаси Президенти фармойиши лойиҳасида 2019 йилда Тошкент шаҳрида минтақа давлатлари раҳбарларининг маслаҳатлашув учрашувини ўтказиш бўйича чора-тадбирлар назарда тутилади.

Тадбирларда:

Марказий Осиёда хавфсизлик ва барқарорликни таъминлаш соҳасида самарали минтақавий ҳамкорликнинг янги резервларини ва уни кенгайтиришнинг таъсирчан механизмларини топиш;

савдо-иқтисодий, инновацион, инвестициявий, транспорт-коммуникация, банк-молия, сув-энергетика ва маданий-гуманитар соҳаларида аниқ дастурларни ишлаб чиқиш;

халқаро ва минтақавий долзарб масалалар юзасидан кенг фикр алмашиш, улар бўйича умумий қарашни келишиб олиш ва уни халқаро ташкилотлар доирасида илгари суриш кўзда тутилган.

Май ойида Самарқандда Ватандошлар халқаро форумини ташкил этиш ва ўтказиш мўлжалланяпти. Шу бўйичаЎзбекистон Республикаси Президенти фармойиши лойиҳасида Самарқанд шаҳрида 2019 йилда Ватандошлар халқаро форумини ташкил этиш ва ўтказиш билан боғлиқ ташкилий масалалар назарда тутилади.

Май ойида яна Афғонистон бўйича 8-минтақавий иқтисодий ҳамкорлик конференциясини (RECCA VIII) Тошкентда ўтказиш режалаштирилган. Шу бўйича Ўзбекистон Республикаси Президенти фармойиши лойиҳасида Афғонистон бўйича 8-минтақавий иқтисодий ҳамкорлик конференциясини ўтказиш билан боғлиқ ташкилий масалалар назарда тутилади.

Октябрь ойида эса Оролбўйи ҳудудида экологик инновациялар ва технологиялар зонасини яратиш бўйича халқаро анжуман ташкил этиш ва ўтказиш кўрсатиб ўтилган. Шу бўйича Ўзбекистон Республикаси Президенти фармойиши лойиҳасида:

анжуман концепциясини ишлаб чиқиш;

тадбирнинг кун тартиби, аниқ муддати ва жойини белгилаш;

хорижий мутахассислар, халқаро

ва минтақавий ташкилотлар вакилларини тадбирга таклиф этиш ва уларнинг иштирокини ташкил қилиш;

анжуманнинг якуний ҳужжати лойиҳасини ишлаб чиқиш ва келишиш назарда тутилади.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Сиёсат » Жорий йилда Ўзбекистонда қандай нуфузли халқаро форумлар бўлиб ўтади?