Аввалроқ давлатимиз раҳбари Қарши шаҳрида ёшлар билан очиқ мулоқот ўтказгани ҳақида ёзган эдик.
Маълум бўлишича, ўша учрашувда Шавкат Мирзиёев Шоҳида Жўраевага 2 хонали уй совға қилган. Жўраева президентга ёш оилаларнинг психологик маданиятини ошириш учун “Ёш психологлар” марказини ташкил этиш таклифини берган ва таклиф давлат раҳбарига маъқул келган. Жўраева ушбу совғадан боши осмонга етганини маълум қилди. Унинг айтишича, қизнинг ўқиши шаҳарда, уйи эса туманда бўлгани учун у ерга қатнашга қийинчиликлар юзага келган. Шаҳар марказидан берилган уй эса ушбу муаммони бартараф этишга хизмат қилади.
Таъкидлаш жоиз, Шоҳида Жўраева ёшлар иттифоқининг тавсияномасига биноан Қарши давлат университетининг хорижий тиллар факультети филология ва тилларни ўқитиш (инглиз тили) факультетига имтиҳонсиз, грант асосида ўқишга қабул қилинган эди.
