Ўзбекистон президенти Шавкат Мирзиёев 13 ноябрь куни Қаршида фаоллар билан учрашувда қашқадарёликлар асосан қайси масала юзасидан мурожаат қилаётганини айтди. Бу ҳақда Дарё нашри хабар қилди.
Маълум бўлишича, аксарият аҳоли кўприклар қуриб беришни сўраган.
«Қишлоқда яшаётган одамлар розими? Менга келган хатларнинг кўпида ‘кўприк қуриб беринг, президент бува’ деб ёзишган», – дея таъкидлаган президент масъулларга мурожаат қилиб.
Маълумот ўрнида айтиш жоизки, бугунги кунда Қашқадарё вилоятидаги мавжуд 21 600 км йўлнинг 8 700 километри яроқсиз ҳолатда. Шунингдек, 1,5 мингта кўприкнинг 86 тасидан фойдаланишнинг иложи йўқ.
