Ўзбекистон қўшни Қирғизистонга навбатдаги гуманитар ёрдамини жўнатди. Бу ҳақда EVERYDAY.UZ мухбири хабар қилди.
Қўшни мамлакатнинг ҳукумат вакили Эльвира Сурабалдиева Ўзбекистонга кўрсатилган ёрдам учун миннатдорчилик билдирди.
Сурабалдиева икки мамлакат яқин ҳамкорликда коронавирусни енга олишини таъкидлади. Гуманитар ёрдам ичида мингта қўлқоп, 10 минг ҳимоя комбинезони, 2 минг ҳимоя кўзойнаклар ва 100 минг тиббий ниқоб жой олган. Эслатиб ўтамиз, бу Қирғизистонга юборилаётган биринчи гуманитар ёрдам эмас. Аввалроқ ҳам гуманитар ёрдам жўнатилган эди. Қўшни мамлакатнинг собиқ и.о. президенти Садир Жапаров Шавкат Мирзиёев билан суҳбатда ушбу ёрдамлар учун миннатдорчилик билдирган.
