Тармоқларда Андижон вилояти ҳокими Шуҳрат Абдураҳмоновга тегишли экани айтилаётган яна бир (биринчиси, иккинчиси) аудио тарқалди. Овоз аудиоси тармоқларда ва турли хил сайтларда эълон қилинди.
Унду вилоят ҳокими ҳудуд ҳеч бир вилоятдан ортда қолмаётганини, уни ривожлантириш учун елиб-югураётганини айтади.
“Битта иккита сассиқ ҳамманг ҳар ёқдан келгансан. Командамисан? Виждонинг борми? Ориятинг борми? Менга эмас Андижон учун. Хоҳласанг беш олтитанг автобусга ўтириб Фарғона, Наманганга, бошқа вилоятларга бориб кел. Кўрайлик Андижон нимадан қолиб кетаётганини. Алишер Усмонов деган миллиардер Наманганда туғилган экан. У Наманган вилоятининг туманларини обод қилиш учун 50 миллион доллар пул берибди. Андижонлик қайси ифлос менга бир сўм пул берди? Энди бориб 50 миллион доллари бор Наманган нима қиляптию бир сўм пули йўқ Андижон нима қиляпти, солиштириб кўр”, – дейди ҳоким.
Ҳозирча ушбу аудио қаерда ва қачон ёзиб олингани маълум эмас. Бу бўйича расмий маълумот берилмади.
