Ўзбекистонда диний экстремизм ва терроризмда айбланиб, суд қилинганларнинг 750 нафари ўз ғоясидан қатймагани маълум бўлди. Бу ҳақда Қалампир нашри хабар қилди.
Маълум бўлишича, Сенатнинг навбатдаги йиғилишда Мудофаа ва хавфсизлик масалалари қўмитаси раиси Қутбиддин Бурхонов мазкур масалага эътибор қаратган. Унинг сўзларига кўра, айни вақтда мамлакатимизда диний экстремизм ва терроризм билан боғлиқ жиноятни содир этиб судланган махбусларнинг 750 нафари ўз ғоясидан қайтмаган.
Шулардан келиб чиқиб, Қутбиддин Бурхонов мазкур масалага алоҳида эътибор қаратиб, масъул ташкилотлар ишни ташкил этиши кераклигини таъкидлаган.
