Ўзбекистонда учта вилоят ҳокимлиги ва ўша ҳудудлардаги ИИБларга нисбатан монополияга қарши курашиш қўмитаси томонидан иш қўзғатилди. Бу ҳақда қўмита хабар қилди.
Маълум бўлишича, Қашқадарё, Сурхондарё ва Хоразм вилоят ҳокимликлари ўз ларининг ҳудудларидаги ички ишлар бошқармасига ҳудуддан чигитни олиб чиқиб кетмаслик тўғрисида норасмий топшириқ берган. Шунга кўра, юқорида қайд этилган ҳудудлардан чигит бошқа вилоятга олиб чиқилмаган.
Шунга муносабага кўра, қўмита истъемолчиларнинг ҳуқуқлари бузилаётганлиги ҳамда табиий монополиялар тўғрисидаги қонун ҳужжатларининг бузилиши юзасидан барча вилоят ҳокимликлари ва ИИВ ҳамда уларнинг бошқармаларига мурожаат қилган. Шунингдек, ҳолат юзасидан қўмита иш қўзғаган.
Таъкидлаш жоиз, мамлакатимизда ҳар қандай ишлаб чиқарувчи исталган ҳудуддан чигит маҳсулотини сотиб олишлари мумкин. Бу қонун билан белгилаб қўйилган.
