Ўзбекистонда ҳоким ва раҳбарлар ҳафтада бир марта ишга автомобилсиз келиб кетади. Бу ҳақда Адлия вазирлиги хабар қилди.
Маълум бўлишича, 19 ноябрь куни “Аҳолининг соғлом турмуш тарзини қўллаб-қувватлаш ва жисмоний фаоллигини оширишга доир қўшимча чора-тадбирлар тўғрисида”ги Ҳукумат қарори қабул қилинган. Ушбу қарорга кўра, 2020 йил 1 декабрдан мамлакатимиздаги барча давлат органлари ва ташкилотлари ҳамда ҳокимлар ва ўринбосарларига ҳафтада камида бир марта ишга автомобилсиз келиб кетиш тавсия этилди. Бунда улар шахсий намуна бўлишлари белгилаб қўйилди.
Шунингдек, қарорга кўра 2021 йилдан бошлаб, ҳар йили 22 сентябрь куни “Автомобилсиз кун” деб эълон қилинди. 2021 йилнинг 1 апрелига қадар барча туман ва қишлоқларда пиёда ва велосипедлар учун йўлакчалар қурилади.
