Тошкент шаҳар ҳокимига маслаҳатчи тайинланди. Бу ҳақда пойтахт ҳокимлиги хабар қилди.
Маълум бўлишича, бугун халқ депутатлари шаҳар кенгашининг навбатдаги йиғилиши бўлиб ўтган. Унда Тошкент шаҳар ҳокимининг туризм ва спортни ривожлантириш масалалари бўйича маслаҳатчиси лавозимига Жўраев Иззатбек Анварович номзоди тасдиқланди.
Жўраев шунингдек, айни вақтда Тошкент шаҳар Туризмни ривожлантириш департаменти директорининг биринчи ўринбосари лавозимида ҳам фаолият юритмоқда.
