Тошкентда меҳнат вазири ўринбосари иштирокида матбуот анжумани бўлиб ўтди. Анжуман давомида вазир ўринбосари Баходир Умрзаков ҳукумат мамлакатимизда мигрантларга қандай ёрдам бераётгани ҳақида гапирди.
Умрзаковнинг сўзларига кўра, хорижий давлатларда сўнгги 11 ой давомида 211 нафар ўзбекистонлик вафот этган. Давлат уларни мамлакатимизга олиб келиш ва дафн маросимларини ўтказишни бўйнига олган.
“Энг қийини бу мигрантларнинг хорижда вафот этиши. Жорий йил давомида 211 нафар ўзбекистонликнинг жасади олиб келинди. Уларнинг оиласига молиявий ёрдам кўрсатилди ва шунингдек, дафн маросимлари ҳам ўтказиб берилди”, – дейди вазир ўринбосари.
