Депутат пойтахтда “квартира”да яшаётган талабаларни қийнаётган оғриқли масалани кўтариб, ечимини таклиф қилди

Депутат пойтахтда “квартира”да яшаётган талабаларни қийнаётган оғриқли масалани кўтариб, ечимини таклиф қилди
Олий Мажлис Қонунчилик палатасидаги ЎзЛиДеП фракцияси аъзсои Бахромжон Раҳмоналиев Тошкентда талабаларни қийнаётган муаммо юзасидан фикр билдириб, масала ечимини таклиф қилди.

Раҳмоналиев бугунги кунда пойтахтдаги ОТМлар барча талабаларни ётоқхона билан таъминлай олмаётганини ҳисобга олиб, “ижтимоий уй”лар қуришни таклиф қилди.

Унинг айтишича, ҳозирда ОТМларда жами 225 та талабалар турар жойи мавжуд бўлиб, улар 60 мингтага яқин талабанигина қабул қила олади холос. Бу эса ўз навбатида ётоқхонага эҳтиёжи бор бўлган талабаларнинг атиги 30-35 фоизини қамраб олиши мумкин. Депутат шунингдек, пойтахтда ижарага уй олиб яшаётган талабаларда молиявий қийинчиликлар юзага келиши мумкинлигини таъкидлади. Раҳмоналиевнинг ҳисоб-китобига кўра, “квартира”ларда турадиган талабаларнинг ойлик ижара ҳақи камида 2 млн. сўмдан бошланади. Агар 4 киши ўша уйда яшаса бу киши бошига 500 минг сўмдан тўғри келади. Албатта коммунал тўловларни ҳисобга олмаганда. Шуларни ҳисобга олган ҳолда, депутат “ижтимоий уй”ларни қуришни таклиф этиб, уни қуришни хусусий секторга топшириш ёки давлат хусусий шекирлик асосида амалга ошириш кераклигини айтди. Бундай уйларни қуриш учун тадбиркорларга паст фоизлик ва узоқ муддатли кредитлар ажратиш лозимлиги ҳам таъкидланди.

“Ижтимоий уй”ларни қуриш учун тадбиркорлар ўз лойиҳаларини комиссияга тақдим этади. Лойиҳада қуриладиган уйлар арзон, сифатли ва талабларга жавоб берадиган, ижара пулини тўлашда оғирлик қилмайдиган бўлиши керак. Энг асосийси, ижтимоий уйларда талабалар учун катта ўқув зали, кутубхона ва Wi-Fi бўлиши жуда муҳимдир”, – дейди депутат.

“Ижтимоий уйларга талабалар шартнома асосида жойлашади. Бу эса, икки томоннинг ҳам ҳуқуқ ва мажбуриятларини шартномада аниқ белгиланишида, қолаверса, талабалар ижарага турар-жой излаб сарсон бўлишини, турли кўнгилсиз ҳодисаларни олдини олишга хизмат қилади”, – дея қўшимча қилди Раҳмоналиев.

Ўхшаш янгиликлар

  1. аааааа 12 декабр 2020 15:00
    зўз бўлади шунака бўлса
  2. Нурхон 11 декабр 2020 12:29
    Жудаям долзарб масала .Рахмоналиевни куллаб кувватлайман.Чунки икки фарзандим ОТМ да укишади.Хар йили квартира излаб азобдамиз.Биттасида газ йук,биттаси ОТМ га узок.Хозирги кунда хам квартирада яшашади,лекин душевая га киришга рухсат беришмайди.
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Қаҳрамонлик йўли...

Ўзбекистон Қаҳрамони, “Меҳнат шуҳрати” ордени соҳиби, 2017 йилда ББС талқинида “Дунёнинг 100 аёли” рўйхатига киритилган илк ўзбек аёли...
1-10-2022, 21:55

“Сиз муаллимингизни табрикладингизми?”

Самарқанд давлат университети олимлари Ўқитувчи ва мураббийлар байрамини ўзгача, кўтаринки руҳда кутиб олмоқда. Профессор-ўқитувчилар...
1-10-2022, 21:25

Депутатлар талаба ёшлар билан очиқ мулоқотда бўлди

O`zLiDeP Самарқанд вилоят Кенгаши ҳамда Олий Мажлис Қонунчилик палатаси депутатлари билан ҳамкорликда Муҳаммад Ал-Хоразмий номидаги...
30-09-2022, 14:04

Коронавирус: кеча 19 нафар фуқарода касалланиш қайд этилди

2022 йил 29 сентябрь куни рўйхатга олинган беморларнинг: 19 нафари Тошкент шаҳрида коронавирусга чалинган беморлар билан мулоқотда...
30-09-2022, 14:02

Юнусободдаги автоҳалокатда жароҳат олган икки бемор жонлантириш бўлимида

Кеча ижтимоий тармоқларда пойтахтимизнинг Юнусобод туманида жойлашган “Mega Planet” савдо маркази яқинида соат тахминан 23:00 атрофида...
30-09-2022, 14:00
Ўзбекистон янгиликлари » Сиёсат » Депутат пойтахтда “квартира”да яшаётган талабаларни қийнаётган оғриқли масалани кўтариб, ечимини таклиф қилди