Фарғона аҳолиси қандай муаммолар билан мурожаат қилмоқда?

Фарғона аҳолиси қандай муаммолар билан мурожаат қилмоқда?
Бугун жойларда фаолияти ташкил этилган Президент Халқ қабулхоналари томонидан аҳолининг, шу жумладан, хотин-қизлар ва ёшларнинг ижтимоий-иқтисодий ҳимоясини кучайтириш, улар билан яқиндан мулоқот ўрнатиш, халқ ичига кириб бориш, уларнинг муаммоларини тинглаш ва тегишли ечимини топиш йўлга қўйилди.

Марғилоннинг «Зуҳро» маҳалла фуқаролар йиғини асосан кўпқаватли уйлардан иборат. Президент Халқ қабулхонаси ташаббуси билан ўтказилган вилоят ҳокими сайёр қабули давомида тушган мурожаатлар асосида шу ердаги 8 та кўпқаватли уйларнинг том қисми таъмирланди. Фасадлар янгиланди. Кириш йўлаклари таъмирланиб, фромогалар янгиланди. Айниқса, уйлар атрофидаги ноқонуний қурилмалар олиб ташланиб, ободончилик ишлари ташкил қилинди. Бугун уйлар ховлисига файз кирди. Болалар ўйингоҳлари қуриб берилди. Автотураргоҳ майдонигача асфальтланди.

«Надирмат» МФЙ Марғилоннинг энг кўҳна аҳоли йиғинларидан саналади. «Мактаб» кўчаси бўйлаб шу кунларда тоза ичимлик суви тортиш ишлари якунланмоқда. Чириб битган ичимлик суви тармоғи янгиланмоқда. Коммуналчилар бунинг учун 3 минг метр тармоқ тортдилар.
Маҳалланинг қўшни кўчасида эса электр таъминоти яхшиланмоқда. Темирбетон таянчлар ўрнатилиб, ҳаво линиялари тортилмоқда. Албатта, бу ишлардан маҳалла аҳли мамнун!

Тошлоқ тумани бўйича ҳам аҳоли вакилларининг Халқ қабулхонасига қилган мурожаатлари мунтазам тарзда ҳал этиб борилмоқда. Бунга ҳаётий мисоллар ҳам кўп. Айтайлик, «Заркент» қишлоғидаги қўлбола электр таянчлари олиб ташланиб, улар ўрнида темирбетон таянчлар ўрнатилди ҳамда ҳаво тармоқлари тортилиб, хонадонлар қайтадан тармоққа уланмоқда.

Тумандаги «Садда» маҳаласида эса ичимлик суви тармоғи чириб битганди. Энди бу аҳоли ўрамида ҳам янгидан тармоқ тортилмоқда.
«Қўрғонча» МФЙда яшовчи аҳоли вакиллари Халқ қабулхонасига қабристонга бошловчи йўлларнинг ташландиқ аҳволга келиб қолганидан, унинг ҳудуди қаровсиз аҳволда қолиб кетганидан норози бўлиб мурожаат қилгандилар. Қисқа фурсатда маҳаллий ҳокимлик, сектор ишчи гуруҳи томонидан ўрганишлар олиб борилди. Кучлар сафарбар этилиб, қабристон ҳудудидаги эски иморатлар олиб ташланиб, ободонлаштирилди.

«Тожик» қишлоғида эса бошланғич синф болалари учун 120 ўринли мактаб қурилиши ва фойдаланишга топширилишида ҳам Халқ қабулхонасига бўлган мурожаат муҳим аҳамият касб этди.

Бугун жойлардаги Халқ қабулхоналари томонидан «темир дафтар» ёки аёллар ҳамда ёшлар дафтарида рўйхатга олинган инсонларни қўллаб-қувватлаш, айникса, уларнинг бандлигини таъминлаш масалаларига алоҳида эътибор қаратилмоқда. Тошлоқ туманида бу йўналишда ҳам натижадор ишлар кўлами кенгаймоқда. Эллик гектарлик майдонда иссиқхоналар мажмуаси барпо этишга киришилган. Маҳаллий ёшлар бу ерда бир ёки икки гектар ҳисобида ер майдонларига эга бўлиб, уларда қурилиш ишларини якунлаётган бўлсалар, тез кунларда икки-уч сотихдан иборат иссиқхона участкалари айнан «темир дафтар»да рўйхатда турган ишга лаёкатли аҳоли вакилларига берилади.

Қува туманида маҳаллий тадбиркор айни кунларда атиргул кўчатларини экспорт қилишга тайёрламоқда. Туманнинг энг чекка ҳудуди саналган «Сойгузар» қишлоғида иккинчи сектор кўмагида кооперация ташкил қилинди. Тадбиркор йигит кооперация раҳбари тариқасида қишлоқдаги ишсиз аҳоли вакилларини ишга қабул килди. Энди кечагина ишсиз ўтирган инсонлар иш билан бандлар. Айтишларича, яна сектор кўмагида кооперацияга 7 гектар ер майдони ажратилди. Аҳоли бандлигини таъминлаш бўлими томонидан баҳорда гул кўчатларини экиш учун «темир дафтар»да рўйхатга олинган шахсларга 131 млн сўм миқдорида давлат субсидиялари ажратилмоқда.

Қува туманида янги тикувчилик корхонаси ҳам куни кеча иш бошлади. Тикувчи хотин-қизларнинг аксарияти «Бегат» қишлоғидан қатнайди. Улар сафида 18 нафар аёл «темир дафтар»га киритилган бўлиб, иш сўраб қилган мурожаатлари асосида ишли-жойли бўлганлар.

Аслида ижтимоий ҳимоянинг энг муҳим қисми – аҳоли бандлигини таъминлаш билан боғлиқ. Олтиариқнинг «Капчўгай» массиви адирлик бўйларида кичик саноат зонаси ташкил этиш, унда маҳаллий тадбиркорлар учун ер майдонлари ажратиш масаласи ҳам сайёр қабуллар давомида кўтарилган эди. Айни кунларда кичик саноат зонасида 20 та лойиҳа тайёрланмоқда. Уларга кўра, 10 сотихдан ер майдони мурожаат билан чиққан талабгор тадбиркорларга берилиб, кичик ишлаб чиқаришлар, шунинг баробарида янги иш ўринлари яратилади.

Маълум бир маҳалла ёки кўчанинг аҳолиси талаблари ҳам шу тартибда ҳал этилмоқда. Масалан, “Полосон” қишлоғининг “Булоқбоши” маҳалласида ТП ўрнатилди. Манзилли дастурлар асосида ҳамда маълум муддат талаб этадиган лойиҳалар ҳам юзага чиқарилмоқдаки, буни туманнинг энг чекка қишлоғи – «Азимобод»да қуриб битказилган сув иншооти тасдиқлайди. Мазкур қишлоқ аҳолиси ҳам тоза ичимлик суви тизими қишлоқда издан чиққани ҳақида Президент Халқ қабулхонасига мурожаат қилган. Давлат бюджетидан ажратилган 3 млрд сўм маблағ эвазига замонавий сув иншооти қуриб битказилди. Натижада қишлоқнинг 600 дан зиёд хонадонига тоза ичимлик суви кирди.

Олтиарикнинг “Янги турмуш” МФЙси тўртинчи сектор ҳудудида жойлашган. Маҳаллада 17 км узунликдаги 6 та ички йўл мажуд бўлса, уларнинг ярмида аҳвол ачинарли даражада эди. Мурожаат орқали бу камчиликни бартараф этишга киришилди ҳамда 153 та хонадондан иборат “Боғи эрам” кўчасини шағаллаштириш ишлари ҳам бошлаб юборилди.

Аҳоли томонидан Президент Халқ қабулхоналарига келиб тушаётган мурожаатларни сектор раҳбарлари билан ҳамкорлигида бартараф этиш ишлари давом эттирилмоқда.

Фарғона аҳолиси қандай муаммолар билан мурожаат қилмоқда?


Ўхшаш янгиликлар

  1. Носиржон 14 декабр 2020 15:31
    Э акалар хамма йцк богу бустон булиб гуллаб яшнаб кеттдикку овара булиб нима киласизлар 2016 ЙИЛГАЧА ЙОНГАН Газ линяларимизни узиб .Балонга пропанлига утказдингизлар бунга хам рахмат Бизда1980 йилдан буйон окма трубапроводда газ бор эди.Яна гапларим боку шаккохлик килмай.
  2. ИЛХОМЖОН 14 декабр 2020 13:33
    Столбалар ёгочдан,эски булсаям майли факат свет булсин.Уша темир бетон столбадаям ток йук.2,3 соатлаб учиш оддий хол бупколди.
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Сиёсат » Фарғона аҳолиси қандай муаммолар билан мурожаат қилмоқда?