Видео: Ўзбекистонда биринчи хусусий банкка асос солиб, Каримов даврида судланган Рустам Усмонов очлик эълон қилди

Видео: Ўзбекистонда биринчи хусусий банкка асос солиб, Каримов даврида судланган Рустам Усмонов очлик эълон қилди
Ўзбекистонда биринчи хусусий банкка асос солган Рустам Усмонов (халқ орасида Рустамбанк номи билан танилган – таҳр.) Олий суд раисига видеомурожаат йўллади. Усмонов ўзининг тўлиқ оқланишини ва унга нисбатан қўзғатилган жиноий ишни ноҳақ деб топишни талаб қилмоқда (банкир 1996 йилда судланган – таҳр.).

Банк асосчисининг айтишича, у 2020 йилнинг 8 декабридан буён очлик эълон қилган. Усмонов бир неча марта Олий судга мурожаат қилганини айтган. Лекин ҳозирча унинг мурожаатлари рад этилмоқда.

Усмонов видеомурожаатда унинг ишини кўриб чиққан судья суд протоколини имзоламаганини айтмоқда. Бундан ташқари, банк асосчисига суд якунига кўра сўнгги сўз берилмаган. Ушбу қоидабузарлик ҳолати суд жараёни адолатли ўтмаганидан далолат бериши таъкидланди. Рустамбанк агар у очликдан ўлса бунга унинг мурожаатини рад этаётган Олий суд раиси айбдор бўлишини айтди.

Маълумот ўрнида айтиш мумкинки, Рустам Усмонов 1992 йилда Ўзбекистондаги илк хусусий банк – «Рустамбанк»га асос солган. Қатор ОАВ томонидан келтирилган маълумотга кўра ушбу банк ўз даврида жуда машҳур бўлган ва фаолиятини самарали олиб борган. Лекин кейинчалик банк ёпилган, унинг раҳбари эса қамалган. Усмонов панжара ортида умрининг 19 йилини ўтказган. 2017 йилга келибгина у қамоқхонадан чиқарилган. У озод этилганига қарамай, Усмонов унга нисбатан қўзғатилган жиноий ишни ноҳақ ва уюштирилган деб топилишини истамоқда.

Ўхшаш янгиликлар

  1. Ман 18 декабр 2020 19:03
    Индамасдан хамма нарсага куз юмиб шу ахволга келиб колдик.
  2. Реалист 18 декабр 2020 09:28
    Рустамбанк асосчиси Рустам Усмонов Ўзбекистонда биринчи хусусий банк ташкилотчиси.
    Адашмасам,ер чувалчангини янги турини яратган ва шуни ортидан бойиган.Мол-мулкини ўзлаштириб олиш учун коррупционерларимиз турмага тиқишган.Ўша коррупциянерлар
    хозирда катта-катта амалдор.
    Иш тўқиган терговчию-судьялар
    ҳали
    хам эгарда.Хулоса ўзингиздан.
    P.S.
    Бобир 20:16 га
    Агар сиз айбсиз 19 йил ўтириб чиқсангиз, жим ўтирармидингиз? менимча йўқ.«Ворошиловский стрелок»
    к/фильмидаги чолни ишини қилган бўлар эдингиз.
  3. Бобир 17 декабр 2020 20:16
    Худога шукур кутилдим деб индамай юравермайсизми Рустам ака
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Ўзбекистон Президенти вакцина олганми? Шерзод Асадов саволга жавоб берди

Хабар қилганимиздек бугун Ўзбекистон Президенти Шавкат Мирзиёевнинг матбуот котиби иштирокида брифинг бўлиб ўтди. Унда Шерзод Асадовга...
Бугун, 11:43

Шавкат Мирзиёев ушбу ҳафтада Туркманистонга боради

Шавкат Мирзиёевнинг матбуот котиби ҳафта давомида Президент иштирокида бўлиб ўтадиган тадбирлар ҳақида маълумот берди. Шерзод Асадовнинг...
Бугун, 11:38

“Кўп гапирмасдан қўйвор” – Тошкент вилоятида ЙПХ ходимига тўхтатган қора Малибуни қўйиб юбориш буйруғи берилди

Тошкент телеканали ижодкорлари йўл қоидалари билан боғлиқ дастурни суратга олаётганда бир воқеанинг гувоҳи бўлиб қолишди ва ушбу ҳолат...
Бугун, 09:55
1

Нишонда ИИБ ходимлари олиб кетган фуқаро ўлик ҳолда қайтарилгани айтилаётган хабарга Бош прокуратура муносабат билдирди

Тармоқларда Нишонда ИИБ ходимлари олиб кетган фуқаро ўлик ҳолда қайтарилгани айтилаётган хабар тарқалди. Бош прокуратура мазкур ҳолатга...
Бугун, 09:45

Видео: Қамоқда жазони ўтаётган фуқарони 70 минг долларга у ердан чиқариб беришни ваъда қилган сурхондарёлик эркак ушланди

Қашқадарёда жазони ўтаётган фуқарони қамоқдан чиқариш учун пул олаётган шахс ушланди. Бу ҳақда EVERYDAY.UZ мухбири хабар қилди. Маълум...
Бугун, 09:08
Ўзбекистон янгиликлари » Сиёсат » Видео: Ўзбекистонда биринчи хусусий банкка асос солиб, Каримов даврида судланган Рустам Усмонов очлик эълон қилди