Учрашувда мамлакатимизда амалга оширилаётган ислоҳотлар, қонунчиликдаги ўзгаришлар, парламентнинг қонун ижодкорлиги фаолиятидан ёшларни хабардор қилиш, ёшларга янги қабул қилинган қонунлар, Президент фармон ва қарорларининг мазмун-моҳияти, қолаверса таълим-тарбия тизимидаги ўзгаришлар бўйича ёшлар билан фикр-мулоҳозалар қилинди.
Депутат давлатимиз раҳбарининг таълим соҳасида хусусан ёшлар бўйича олиб бораётган сиёсати туфайли мамлакатимизда таълим, фан ва технологияларнинг янги поғонага чиқишига мустаҳкам замин яратилаётганини таъкидлаб ўтди.
Бундан ташқари "Таълим тўғрисида"ги қонунга киритилган ўзгартиришлар тўғрисида ҳам ёшларга маълумотлар берди.
Мамлакатимизда олиб борилаётган кенг кўламли ислоҳотлар ёш авлодни баркамол қилиб тарбиялаш, уларнинг ҳаётига мустақил қадам қўйишлари учун барча зарур шароитларни яратишга қаартилган, - дейди O'zLiDeP Қорақалпоғистон Республикаси Кенгаши аппарат раҳбари, Қорақалпоғистон Республикаси Жўқорғи Кенгеси депутати Шарапат Отемисов.
Партиянинг сайловолди дастурида ҳам ҳар жиҳатдан баркамол, мустақил фикрлайдиган, Ватанга содиқ, қатьий ҳаётий қарашларга эга ёшларни тарбиялаш, уларнинг интеллектуал, маънавий салоҳиятини ижтимоий фаоллигини ошириш муҳим вазифалардан бири эканлиги қайд қилинган.
Мулоқотда амалга оширилаётган давлат таълим ислоҳотлари, таълим-тарбия сифатини оширишга қаратилган чора-тадбирлар, ёш авлодларни билимли, илмли ва интеллектуал салоҳиятини ривожлантириш бўйича олиб борилаётган ишларнинг самараси ҳақида ҳам фикрлар билдирилди.
O'zLiDeP Қорақалпоғистон Республикаси
Кенгаши матбуот хизмати
